نورۆەگيا مەن يسپانيا پالەستينانى مەملەكەت رەتىندە مويىندادى

استانا. KAZINFORM - نورۆەگيانىڭ وتكەن اپتادا جاريالانعان پالەستينانى مويىنداۋ تۋرالى شەشىمى كۇشىنە ەندى. يسپانيا شىعىس يەرۋساليمدى پالەستينانىڭ استاناسى دەپ مويىندادى.

يرلانديا دا پالەستينا مەملەكەتىن مويىنداعىسى كەلەدى، دەپ جازادى DW.

نورۆەگيا مەن يسپانيا پالەستينانى تاۋەلسىز مەملەكەت رەتىندە مويىندادى. شەشىم سەيسەنبى، 28- مامىردا كۇشىنە ەندى. مۇنى وسلوداعى سىرتقى ىستەر مينيسترلىگى راستادى. ەكى كۇن بۇرىن نورۆەگيانىڭ سىرتقى ىستەر ءمينيسترى ەسپەن بارت ەيدە راستاۋ قۇجاتىن بريۋسسەلدەگى كەزدەسۋدە پالەستينا ۇلتتىق بيلىگىنىڭ پرەمەر-ءمينيسترى مۇحاممەد مۇستافاعا تابىس ەتتى.

«وسى مويىنداۋ ارقىلى ءبىز وسلو كەلىسىمدەرى (يزرايل مەن پالەستينا اراسىنداعى) باستاعان پروتسەسكە جاڭا باعدارلاما ەنگىزەمىز»، - دەدى ەيدە.

ونىڭ پىكىرىنشە، ەگەر باسقا ەلدەر نورۆەگيادان ۇلگى السا، بۇل شەشىم تاياۋ شىعىستاعى جانجالدى «بەيبىت جولمەن شەشۋگە ۇلكەن سەرپىن بەرە الادى».

مادريد شىعىس يەرۋساليمدى پالەستينانىڭ استاناسى دەپ تانىدى

يسپانيا پرەمەر-ءمينيسترى پەدرو سانچەس سەيسەنبى، 28 - مامىردا ونىڭ ەلى 1967 -جىلعى شەكاراعا نەگىزدەلگەن تاۋەلسىز پالەستينا مەملەكەتىن جانە ونىڭ استاناسى رەتىندە شىعىس يەرۋساليمدى مويىندايتىنىن مالىمدەدى. ساياساتكەر مۇنى تاريحي شەشىم دەپ اتاپ، ونىڭ «ەشكىمگە قارسى باعىتتالماعانىن» اتاپ ءوتتى.

يرلانديا دا پالەستينانى مويىنداۋعا نيەتتى

وسىدان بىرنەشە كۇن بۇرىن نورۆەگيا جانە يسپانيامەن بىرگە يرلانديا پالەستينانى مويىنداۋ نيەتىن جاريالادى. ال 28 -مامىردا پالەستينا تاۋەلسىز مەملەكەتىن مويىنداۋ تۋرالى مالىمدەمە جاسايدى دەپ جوسپارلانعان. بۇعان دەيىن نورۆەگيا پرەمەر-ءمينيسترى يوناس گار ستيەرە پالەستينانى تانۋ «يزرايلدىكتەر مەن پالەستينالىقتار ءۇشىن ساياسي شەشىم ۇسىناتىن جالعىز بالاما» دەپ اتادى.

«پالەستينا حالقىنىڭ ءوز تاعدىرىن شەشۋگە قۇقىعى بار. ال يزرايلدىكتەر دە، پالەستينالىقتار دا ءوز ەلدەرىندە بەيبىت ءومىر سۇرۋگە قۇقىلى»، - دەدى ستيەر.

يزرايل وسلو مەن دۋبلين ۇستانىمدارىنا قارسى

يزرايل پالەستينانى مويىنداۋعا مۇلدەم قارسى. جاقىندا يزرايلدىڭ ب ۇ ۇ- داعى تۇراقتى وكىلى گيلاد ەردان پالەستينا بيلىگى ەگەمەندى مەملەكەت بولۋ كريتەريلەرىنە ساي ەمەس دەپ مالىمدەدى.

22- مامىردا يزرايل سىرتقى ىستەر ءمينيسترى يسراەل كاتس ءوز ەلىنىڭ يرلانديا مەن نورۆەگياداعى ەلشىلەرىن شۇعىل كەڭەسۋ ءۇشىن شاقىردى.

«مەن يرلانديا مەن نورۆەگياعا ايقىن جانە ءبىرجاقتى سيگنال جىبەرەمىن: يزرايل ونىڭ ەگەمەندىگىنە نۇقسان كەلتىرىپ، ونىڭ قاۋىپسىزدىگىنە نۇقسان كەلتىرەتىندەردىڭ الدىندا ءۇنسىز قالمايدى»، - دەدى ول.

گەرمانيا قازىرگى ۋاقىتتا پالەستينا مەملەكەتىن مويىنداعىسى كەلمەيتىنىن مالىمدەدى. ا ق ش پرەزيدەنتى دجو بايدەن دە پالەستينانى ءبىرجاقتى مويىنداۋدان باس تارتتى.

يزرايل-پالەستينا قاقتىعىسى

7-قازان كۇنى تاڭەرتەڭ حاماس- تىڭ اسكەري قاناتى يزرايلگە قاراي مىڭداعان زىمىران اتىلدى، قارۋلى توپتار يزرايل ەلدى مەكەندەرىنە كىردى.

حاماس بۇل وپەراتسيانىڭ باسىپ الىنعان شىعىس يەرۋساليمدەگى ءال-اقسا مەشىتىن باسىپ الۋىنا جانە يزرايلدىك قونىستانۋشىلاردىڭ پالەستينالىقتارعا قارسى زورلىق-زومبىلىقتىڭ كۇشەيۋىنە جاۋاپ رەتىندە جاسالعانىن ايتتى. بۇعان جاۋاپ رەتىندە يزرايل اسكەريلەرى گازا سەكتورىنداعى حاماس- قا قارسى «تەمىر قىلىشتار» وپەراتسياسىن باستاعانىن حابارلادى.

يزرايل- پالەستينا قاقتىعىسى باستالعاننان بەرى 36 مىڭعا جۋىق پالەستينالىق قازا تاپتى. يزرايلدە قۇربان بولعاندار سانى 1400-دەن استى. گازا سەكتورىنىڭ 2,3 ميلليون تۇرعىنى يزرايلدىڭ جاپپاي اۋەدەن بومبالاۋى مەن ەكسكلاۆتى تولىق قورشاۋىنىڭ سالدارىنان ازىق-تۇلىك، سۋ جانە ءدارى-دارمەك تاپشىلىعىنان زارداپ شەگىپ وتىر.

اۆتور

جاراسقان نۇرىبايەۆ