نوبەل سىيلىعىنىڭ بەيبىتشىلىك سالاسىنداعى يەگەرى بەلگىلى بولدى

استانا. KAZINFORM -بەيبىتشىلىك سالاسىنداعى 2024 -جىلعى نوبەل سىيلىعى يادرولىق قارۋدان ازات الەم قۇرۋدى جاقتاعانى ءۇشىن جاپوندىق Nihon Hidankyo ۇيىمىنا بەرىلدى.

- بۇل حيروسيما مەن ناگاساكيدەگى (1945) اتوم بومبالاۋىن باستان وتكەرگەن ادامداردىڭ قوزعالىسى يادرولىق قارۋسىز الەمدى قۇرۋعا باعىتتالعان كۇش-جىگەرى ءۇشىن جانە يادرولىق قارۋدى ەشقاشان قايتا قولدانۋعا بولمايتىندىعى تۋرالى دالەلدەر كورسەتكەنى ءۇشىن بەيبىتشىلىك سىيلىعىمەن ماراپاتتالدى، - دەلىنگەن ۇيىمداستىرۋشى كوميتەتتىڭ باسپا ءسوز حابارلاماسىندا.

2024 -جىلى نوبەل سىيلىعى تابىستالعاندار:

فيزيكا سالاسىنداعى عالىمدار دجون حوپفيلد پەن دجەففري حينتونعا جي كومەگىمەن ماشينالىق وقىتۋ ويلاپ تاپقانى ءۇشىن؛

مەديتسينا سالاسىندا امەريكالىق ۆيكتور ەمبروس پەن گەري راۆكانعا ميكرورنق - گەندىك رەتتەۋدىڭ ماڭىزدى ەلەمەنتىن اشقانى ءۇشىن؛

حيميا سالاسىندا دەۆيد بەيكەر، دەميس حاسسابيس جانە دجون م. دجامپەرگە اقۋىز قۇرىلىمدارى بويىنشا جاساعان جۇمىسى ءۇشىن؛

ادەبيەت سالاسىندا حان گانعا «تاريحي اۋىرتپالىقتار مەن ادام ءومىرىنىڭ نازىكتىگىن زەرتتەيتىن پوەتيكالىق پروزاسى ءۇشىن» بەرىلدى.

اۆتور

ەركەجان سماعۇلوۆا