نەتانياحۋ: ءبىز الەمگە جاقسىلىقتىڭ جاماندىقتى جەڭگەنىن كورسەتتىك

استانا. قازاقپارات- يزرايل پرەمەر-ءمينيسترى بەنيامين نەتانياحۋ ساربازداردى ماقتاپ، جەڭىس قانشالىقتى زور بولعانىمەن، ول سوعىستىڭ سوڭى ەمەس ەكەنىن ايتتى.

«بۇگىن بىزگە زيان كەلتىرەتىندەرگە نە بولاتىنىن تاعى دا ايقىن كورسەتتىك. بۇگىن ءبىز الەمگە كەزەكتى رەت جاقسىلىقتىڭ جاماندىقتى جەڭگەنىن كورسەتتىك. ءبىراق سوعىس مۇنىمەن اياقتالمايدى. ءبىز ءالى دە ۇلكەن سىناقتاردان ءوتۋىمىز كەرەك. بىزگە توزىمدىلىك، بىرلىك، باتىلدىق جانە تاباندىلىق قاجەت»، - دەدى نەتانياحۋ.

بەنيامين نەتانياحۋ، يزرايل پرەمەر-ءمينيسترى:

- سىزدەردىڭ الدارىڭىزدا تۇرىپ، سينۆاردىڭ كوزى جويىلعانىن حابارلايمىن. حولوكوستتان بەرى ەل تاريحىنداعى ەڭ اۋىر قىرعىندى جاساعان ادامدى، مىڭداعان يزرايلدىكتى ولتىرگەن جانە جۇزدەگەن ازاماتتارىمىزدى ۇرلاپ اكەتكەن قاسكويدى بۇگىن ءبىزدىڭ قاھارمان ساربازدارىمىز كوزىن قۇرتتى. بۇگىن زۇلىمدىق اۋىر سوققىعا ۇشىرادى، ءبىراق ءبىزدىڭ الدىمىزدا تۇرعان مىندەت ءالى اياقتالعان جوق.

يزرايل پرەمەر-ءمينيسترى بۇعان دەيىن قاقتىعىستىڭ نەگىزگى ماقساتىن بىرنەشە رەت ايتقان بولاتىن. اتاپ ايتقاندا، ول - حاماس-تىڭ اسكەري جانە ساياسي كۇش رەتىندە كوزىن قۇرتۋ، سونىمەن قاتار يزرايلدىك تۇتقىنداردى بوساتۋ.

24.kz