ۆەنەسۋەلا پرەزيدەنتى جۇبايىمەن بىرگە ۇستالىپ، ەلدەن ەۆاكۋاتسيالاندى - ترامپ

استانا. KAZINFORM - ا ق ش ۆەنەسۋەلاعا جانە ونىڭ كوشباسشىسى، پرەزيدەنت نيكولاس مادۋروعا قارسى اۋقىمدى وپەراتسيانى ءساتتى جۇرگىزدى. ناتيجەسىندە مادۋرو جۇبايىمەن بىرگە ۇستالىپ، ەلدەن ەۆاكۋاتسيالاندى، دەپ حابارلايدى Kazinform اگەنتتىگى.

بۇل تۋرالى ا ق ش پرەزيدەنتى دونالد ترامپ Truth Social الەۋمەتتىك جەلىسىندەگى پاراقشاسىندا مالىمدەدى.

- بۇل وپەراتسيا ا ق ش-تىڭ قۇقىق قورعاۋ ورگاندارىمەن بىرلەسىپ جۇرگىزىلدى، - دەپ جازدى ترامپ.

سونداي-اق ا ق ش پرەزيدەنتى ۆەنەسۋەلاداعى جاعدايعا قاتىستى باسپا ءسوز كونفەرەنتسياسى وتەتىنىن حابارلادى. ول 3 -جەلتوقسان كۇنى استانا ۋاقىتىمەن 21:00 دە ترامپتىڭ مار-ا-لاگو رەزيدەنتسياسىندا وتەدى.

بۇعان دەيىن CBS News دونالد ترامپتىڭ ۆەنەسۋەلا نىساندارىنا سوققى جاساۋ تۋرالى بۇيرىق بەرگەنىن حابارلاعان ەدى.