نۇرلان يمام ءماھر قازاققا جات نارسە ەكەنىن ايتتى

استانا. قازاقپارات - قوعامدا قىز نەكە قيعاندا سۇرايتىن ءماھر تۋرالى ءتۇرلى پىكىر بار. تانىمال تەولوگ نۇرلان بايجىگىت ۇلى ءماھردىڭ قازاق سالتىندا بولماعانىن ايتتى. 

نۇرلان يمام بۇل تۋرالى «سىرلاسۋ» باعدارلاماسىندا ءتۇسىندىرىپ بەردى.

«نەگىزى ءماھر شاريعاتتا، دىنىمىزدە بار نارسە، قاراپايىم تىلمەن ايتقاندا، قىزدىڭ اقىسى. ءبىراق ءبىزدىڭ دانا، دارا حالقىمىز ونى قىزعا قالىڭمالمەن، اتا كۇشى، انا سۇتىمەن بەرگەن. قىز جاق ونى بالانىڭ كيىمىنە، دۇنيە-جيھازىنا جۇمساعان. سول ءماھر بولادى. قۇداي ساقتاسىن، ەگەر اجىراسىپ جاتقان جاعدايدا قىز ارتىنان كەلگەن بۇكىل دۇنيەنى ەشقاشان تاستاپ كەتپەي، وزىمەن بىرگە الىپ كەتەدى. دەمەك، ول دا ءماھر»، - دەدى ول.

الەۋمەتتىك جەلىلەر ارقىلى تانىمال بولعان نۇرلان يمامنىڭ بۇل پىكىرىنە كوپشىلىك تە قوسىلادى ەكەن. جەلىدە تانىمال تەولوگ، «ىرىسكەلدى قاجى"» مەشىتىنىڭ باس يمامى نۇرلان بايجىگىت ۇلىنىڭ ايتقاندارى قازاق حالقىنىڭ بولمىسىنا جاقىن ەكەنىن جازىپ جاتقاندار كوپ.