22:45, 19 - ماۋسىم 2025 | GMT +5
نۇرعانات عايىپبايەۆتىڭ ولىمىنە بايلانىستى ءىس قاي ساتىدا
استانا. KAZINFORM - ىشكى ىستەر ءمينيسترىنىڭ ورىنباسارى سانجار ءادىلوۆ تالعارداعى رەزونانستى وقيعادان كەيىن جۇمباق جاعدايدا قايتىس بولعان نۇرعانات عايىپبايەۆتىڭ ولىمىنە بايلانىستى ءىس قاي ساتىدا ەكەنىن ايتتى.
- ول ءىس بويىنشا كەشەندى ساراپتاما تاعايىندالعان. تەرگەۋ ارەكەتتەرى ءجۇرىپ جاتىر. 201-بابىنا سايكەس، تولىققاندى مالىمەتتى بەرە المايمىن، - دەدى ىشكى ىستەر ءمينيسترىنىڭ ورىنباسارى.
جۋرناليستەر ودان قارجاۋباي نۇرىموۆتىڭ ءۇيىن ورتەۋ ءىسى نەگە ۇزاققا سوزىلىپ جاتقانىن سۇرادى.
- قىلمىستىق ءىس باس پروكۋراتۋرانىڭ ارنايى پروكۋرور قىزمەتىنىڭ وندىرىسىندە. پروكۋروردىڭ وندىرىسىندەگى ىسكە پىكىر بىلدىرە المايمىن، - دەدى سانجار ءادىلوۆ.
كەشە، اتالعان ءىس ارنايى پروكۋرورلاردىڭ قاراۋىندا ەكەنىن ءمالىم ەتتى.
اۆتور
ەسىمجان ناقتىباي
