گەننادي گولوۆكين وليمپيادا بوكسىنداعى كۇردەلى ماسەلەنى ايتتى
استانا. KAZINFORM - كاسىپقوي بوكستان بۇرىنعى الەم چەمپيونى، قازىر قازاقستان رەسپۋبليكاسى ۇ و ك پرەزيدەنتى گەننادي گولوۆكين تانىمال امەريكالىق بوكس كوممەنتاتورى كيەۆين ايوليگە بەرگەن سۇحباتىندا وسى سپورت تۇرىنە قاۋىپ توندىرەتىن 2028-جىلى لوس-انجەلەستە وتەتىن وليمپيادا بوكسىنداعى كۇردەلى ماسەلەلەر تۋرالى ايتتى.
- ءوزىڭىز دە وليمپياداشى بولعاندىقتان، بوكستىڭ 2028-جىلى لوس-انجەلەستە وتەتىن وليمپيادا ويىندارىنىڭ باعدارلاماسىنا ەنگىزىلۋى ءۇشىن نە ىستەپ جاتىرسىز؟
- بىرىنشىدەن، مەنىڭ (ق ر ۇ و ك- قا) جاقىندا كەلگەنىمدى اتاپ ءوتۋ كەرەك. قازىر (وليمپيادالىق بوكستاعى) بولىپ جاتقان جاعداي تۋرالى ماتەريالداردى وقىپ، بۇل سپورتشىلار ءۇشىن دە، كوپتەگەن ۇ و ك ءۇشىن دە قولايسىز دەپ ەسەپتەيمىن. ءوزىم بوكسشى بولعاندىقتان، بوكس سياقتى سپورت ءتۇرى وليمپيادادا قالۋى ءۇشىن ەندى ءبىراز كەڭەس بەرۋگە، كومەكتەسۋگە نەمەسە قانداي دا ءبىر ىقپال ەتۋگە تىرىسامىن.
- ءبىز روي دجونستىڭ 1988-جىلى جەڭىسكە جەتكەنىن بىلەمىز، ءبىراق كەرىسىنشە شەشىم شىعارىلدى. مۇنىڭ بەكەر بولماعانى انىق، مەنىڭ سۇراعىم مىناۋ: حالىقارالىق وليمپيادا كوميتەتىنىڭ قازىرگى ۋاقىتتا اۋەسقوي بوكستاعى بۇل جاعدايدان الشاقتاۋ تۋرالى شەشىم قابىلداۋىنا اۋەسقوي بوكستاعى جەمقورلىق سەبەپ بولدى ما؟
- مەنىڭ ويىمشا، سولاي دا ايتۋعا بولادى. ويتكەنى جەمقورلىق سپورتتىڭ بارلىق سالاسىندا بار، سونىڭ ىشىندە بوكستا دا بار. مىنە، سوندىقتان بوكس قازىر وليمپيادا باعدارلاماسىندا ءسوز بولىپ وتىر. بۇل شىن مانىندە راس. بۇل مەنى سپورتشى رەتىندە دە، بوكسشى رەتىندە دە قاتتى الاڭداتادى. وسىنىڭ ارقاسىندا مەن ميلاندا وتكەن ءبىرىنشى ليتسەنزيالىق تۋرنيرگە قاتىستىم، وندا حوك قامقورلىعىمەن ليتسەنزيالار بەرىلدى. ويتكەنى جەمقورلىق پەن ادامي فاكتورلاردى بولدىرماۋ ءۇشىن كوپ نارسە ەنگىزىلدى. كوپتەگەن ۇپايلار ۇسىنىلىپ، سىناقتان ءوتتى. جاساندى ينتەللەكت، كومپيۋتەرلىك بال جيناۋ، قايتالاۋ سياقتى نارسەلەر. مۇنىڭ ءبارى تەز جۇزەگە اسادى جانە بۇل مەنى قۋانتادى.
