گەننادي گولوۆكين ح و ك باسشىسى توماس باحپەن كەزدەستى

GGG
Фото: Olympic.kz

استانا. KAZINFORM - بۇگىن لوزاننادا قازاقستان ۇلتتىق وليمپيادالىق كوميتەتىنىڭ حالىقارالىق وليمپيادا كوميتەتىنە رەسمي ءىس-ساپارى اياسىندا گەننادي گولوۆكين ح و ك باسشىسى توماس باحپەن وزەكتى تاقىرىپتاردى تالقىلادى.

ق ر ۇلتتىق وليمپيادالىق كوميتەتىنىڭ باسپا ءسوز قىزمەتى ءمالىم ەتكەندەي، وليمپيادا ۇيىندەگى ەكى كۇندىك تىعىز باعدارلامانىڭ باستى وقيعاسى قازاقستان ۇ و ك پرەزيدەنتى گەننادي گولوۆكيننىڭ ح و ك باسشىسى توماس باحپەن كەزدەسۋى بولدى.

اتالعان جاعداي قازاقستاندىق سپورت قوعامداستىعى ءۇشىن ماڭىزدى ءىس-شارالاردىڭ ءبىرى بولدى. سونداي-اق بۇل ۇ و ك- ءتىڭ حالىقارالىق وليمپيادالىق قوزعالىسقا بەلسەندى ارالاسۋعا ۇمتىلعانىن كورسەتەدى. كەزدەسۋ قازاقستان مەن ح و ك اراسىنداعى ارىپتەستىكتى نىعايتۋدا ماڭىزدى قادام سانالىپ وتىر.

باح اڭگىمە اياسىندا ۇ و ك پرەزيدەنتى گەننادي گولوۆكيندى جاۋاپتى قىزمەتكە سايلانۋىمەن قۇتتىقتاپ، قازاقستان ۇلتتىق وليمپيادالىق كوميتەتتىڭ جاڭا باسشىلىعىنا ح و ك تاراپىنان قولداۋ كورسەتەتىنىن جەتكىزدى. ۇ و ك باسشىسى ءوز كەزەگىندە جاڭارعان كوماندانىڭ باستى باسىمدىقتارىنا نازار اۋدارىپ، حالىقارالىق ارىپتەستىك پەن اتلەتتەردى قولداۋ باعدارلامالارىنا ەرەكشە توقتالىپ ءوتتى.

ءوز كەزەگىندە گەنناديي گەنناديەۆيچ ۇ و ك- ءتىڭ حالىقارالىق وليمپيادا كوميتەتىنە سەنىمدى سەرىكتەس بولىپ قالاتىنىن جانە ۇيىمنىڭ بارلىق باستامالارىن، ونىڭ ىشىندە، سپورتشىلار قۇقىعىن قورعاۋعا ارنالعان ۇسىنىستاردى ءاردايىم قولدايتىنىن ايتتى.

تاراپتار وليمپيادالىق كۇن تارتىبىندەگى ماڭىزدى ماسەلەلەردى جانە وليمپيادالىق قوزعالىستى دامىتۋ جۇمىستارىن، ونىڭ ىشىندە، قوزعالىستى ورتالىق ازيا ايماعىندا ىلگەرىلەتۋ تۋرالى ساۋالداردى تالقىلادى.

كەزدەسۋدەن سوڭ ح و ك باسشىسى گەننادي گولوۆكيندى ۇيىمنىڭ شتاب-پاتەرىنە كەلگەن ايگىلى اتلەتتەر قولتاڭبا قالدىراتىن وليمپياداشىلار قابىرعاسىنا قول قويۋعا شاقىردى.

«حالىقارالىق وليمپيادا كوميتەتى مەن ارنايى توماس باح مىرزاعا بىزگە شاقىرتۋ جىبەرىپ، جىلى قارسى العانى ءۇشىن بارشا كوماندامىزدىڭ اتىنان العىس ايتامىن. بۇل كەزدەسۋ ورتاق ماقسات جولىندا بىرىككەن ەكى ۇيىم اراسىنداعى بەرىك ءارى سەنىمدى ارىپتەستىكتىڭ باستاۋى بولارىنا كۇمانىم جوق»، - دەپ اتاپ ءوتتى گەننادي گولوۆكين.

ايتا كەتەلىك، كەزدەسۋ حوك ديرەكتورى دجەيمس ماكلودتىڭ، ح و ك- ءتىڭ ۇ و ك- تەرمەن قارىم-قاتىناس جونىندەگى ديرەكتورىنىڭ ورىنباسارى ولۆيە نيامكانىڭ جانە قازاقستان ۇ و ك باس حاتشىسى جانار ۋتەشيەۆانىڭ قاتىسۋىمەن ءوتتى. ەكى ۇيىم باسشىسى كەلەسى كەزدەسۋدى 2024-جىلعى پاريج وليمپياداسىندا وتكىزەمىز دەپ كەلىستى.

22-23-مامىر كۇندەرى لوزاننادا وتكەن ءىس-ساپار بارىسىندا ۇ و ك دەلەگاتسياسى ح و ك قىزمەتى جانە دەپارتامەنتتەرى باسشىلارىمەن ءبىرقاتار كەزدەسۋ وتكىزىپ، ەكى ۇيىم قارىم-قاتىناسىنا بايلانىستى ماڭىزدى ساۋالدار مەن ماسەلەلەردى تەرەڭىنەن تالقىلادى.

ەستەرىڭىزگە سالا كەتەيىك، بيىلعى جىلدىڭ باستى دوداسى پاريج وليمپياداسى شىلدەنىڭ 26 ى مەن تامىزدىڭ 11 ءى ارالىعىندا وتەدى.

اۆتور كۇنسۇلتان وتارباي

سوڭعى جاڭالىقتار