نەمىس اۆتووندىرۋشىلەرى ترامپ تاريفتەرىنەن كەيىن شىعىنعا ۇشىرادى

استانا. KAZINFORM - نەمىس اۆتوموبيل كونسەرندەرى ا ق ش- تىڭ جاڭا تاريفتەرىنە بايلانىستى 2025 -جىلعى بولجامدى ءتۇسىم كولەمىن اتاۋعا قورقىپ وتىر، دەپ حابارلايدى DW.

ا ق ش پرەزيدەنتى دونالد ترامپتىڭ قوسىمشا باج سالىعىن ەنگىزۋىنە بايلانىستى نەمىس اۆتوموبيل وندىرۋشىلەرى ۇلكەن شىعىنعا ۇشىرادى.

بيىلعى ءبىرىنشى توقساندا Mercedes-Benz جانە Volkswagen كونتسەرندەرىنىڭ وپەراتسيالىق پايداسى 40 پايىز تومەندەدى.

ا ق ش- تىڭ تاريف ساياساتىنىڭ اۋىتقۋىنان جانە نارىقتىڭ بولجانبايتىن رەاكتسياسىنان تۋىنداعان ەلەۋلى بەلگىسىزدىككە بايلانىستى Mercedes-Benz باسشىسى ولا كەللەنيۋس (Ola Källenius) كونسەرننىڭ جىلدىق بولجامىن جاريالاۋدان باس تارتتى.

ءوز كەزەگىندە، VW Group كونسەرنى ازىرگە ا ق ش- تىڭ جاڭا تاريفتەرىنىڭ بيزنەسىنە اسەرىن جوققا شىعارادى، ءبىراق سوعان قاراماستان VW Group تىڭ جىلدىق پايدا بولجامى 5,5-6,5 پايىز دياپازونىنىڭ تومەنگى شەگىنە دەيىن تومەندەدى، دەپ اتاپ ءوتتى Reuters.

ا ق ش- تىڭ اۆتوموبيلدەرگە قوسىمشا سالىعى

ەۋروپادان كەلگەن اۆتوموبيلدەرگە يمپورتتىق باج سالىعى 25 پايىز مولشەرىندە ءساۋىر ايىنان باستاپ قولدانىلادى، مامىر ايىنان باستاپ قۇرامداس بولىكتەردىڭ يمپورتىنا قوسىمشا تاريفتەر كۇشىنە ەنۋى ءتيىس.

29-ساۋىردە ترامپ امەريكالىق اۆتوموبيل وندىرۋشىلەرىنە جەرگىلىكتى جەتكىزىلىمدەردى ورناتۋعا كوبىرەك ۋاقىت بەرۋ ءۇشىن اۆتوموبيل بولشەكتەرىنە جاڭا باج سالىعىن ازايتۋ نيەتىن ءبىلدىردى.

بۇعان دەيىن ا ق ش ەلەكترونيكا ءۇشىن باج سالىعىن ۋاقىتشا الىپ تاستاپ، جاڭا تاريف دايىنداپ جاتقانى حابارلانعان بولاتىن.