ۇنەمى شارشاپ جۇرەسىز بە؟ - عالىمدار بۇعان دارۋمەن تاپشىلىعى سەبەپ بولۋى مۇمكىن ەكەنىن ايتادى
استانا. قازاقپارات - ديەتولوگ ءارى نەيروبيولوگ مامانداردىڭ زەرتتەۋىنشە، ۇنەمى شارشاڭقى ءجۇرۋ تەك جۇمىسباستىلىقپەن بايلانىستى ەمەس، وعان اعزاداعى ماڭىزدى دارۋمەندەر مەن قورەكتىك زاتتاردىڭ جەتىسپەۋشىلىگى اسەر ەتۋى مۇمكىن.
ا ق ش-تا جۇرگىزىلگەن 2022 -جىلعى ۇلتتىق ساۋالناماعا سايكەس، ەرەسەك تۇرعىنداردىڭ %13,5 ى ءۇش اي بويى كۇن سايىن نەمەسە ءجيى «وتە شارشاعانىن» نەمەسە «ءالسىز» سەزىنگەنىن مويىنداعان. 18 بەن 44 جاس ارالىعىنداعى ايەلدەر اراسىندا بۇل كورسەتكىش %20 دان استى.
ديەتولوگ ءارى نەيروبيولوگ مامانداردىڭ زەرتتەۋىنشە، ۇنەمى شارشاڭقى ءجۇرۋ تەك جۇمىسباستىلىقپەن بايلانىستى ەمەس، وعان اعزاداعى ماڭىزدى دارۋمەندەر مەن قورەكتىك زاتتاردىڭ جەتىسپەۋشىلىگى اسەر ەتۋى مۇمكىن. اسىرەسە، D دارۋمەنىنىڭ، B12 دارۋمەنىنىڭ جانە ومەگا-3 ماي قىشقىلدارىنىڭ تاپشىلىعى ادام ەنەرگياسىن ازايتادى.
D دارۋمەنى
ا ق ش-تاعى ەرەسەكتەردىڭ %40 دان استامى D دارۋمەنىنىڭ تاپشىلىعىن باستان كەشىرەدى. بۇل شارشاۋ، بۇلشىقەت السىزدىگى، سۇيەك اۋرۋلارى جانە كوگنيتيۆتى ماسەلەلەرگە اكەلۋى مۇمكىن. D دارۋمەنى بالىقتا، جۇمىرتقانىڭ سارىسىندا، ءسۇت ونىمدەرىندە جانە ارنايى بايىتىلعان تاعامداردا بار. سونداي-اق، كۇننىڭ اسەرى ارقىلى اعزادا تابيعي تۇردە تۇزىلەدى.
B12 دارۋمەنى
ا ق ش حالقىنىڭ %20 ىندا B12 دەڭگەيى جەتكىلىكسىز، بۇل انەمياعا جانە سوزىلمالى شارشاۋعا اكەلۋى مۇمكىن. بۇل دارۋمەن ەت، بالىق، ءسۇت ونىمدەرى مەن جۇمىرتقادا كەزدەسەدى. وسىمدىك تاعامدارىن تۇتىناتىندار B12 قوسپاسىن قابىلداعانى ءجون.
ومەگا-3 ماي قىشقىلدارى
40-59 جاس ارالىعىنداعى ادامداردىڭ %87 ى جانە 60 جاستان اسقانداردىڭ %80 ى ومەگا-3 جەتىسپەۋشىلىگىن باستان كەشىرەدى. بۇل قىشقىلدار ميدىڭ جۇمىسىن جاقسارتادى، كۇيزەلىس پەن دەپرەسسيا قاۋپىن ازايتادى.
سالاۋاتتى ءومىر سالتى
عالىمداردىڭ ايتۋىنشا، ءومىر سالتى دا ماڭىزدى ءرول اتقارادى. كۇن ساۋلەسىن جەتكىلىكتى قابىلداۋ، سپورتپەن اينالىسۋ، سالاۋاتتى ۇيقى رەجيمىن ساقتاۋ - ەنەرگياڭىزدى قالپىنا كەلتىرۋگە كومەكتەسەدى. مىسالى، اپتاسىنا كەمىندە 150 مينۋت دەنە جاتتىعۋلارىن جاساۋ ۇسىنىلادى.
سونىمەن قاتار، سمارتفون جانە كومپيۋتەر ەكراندارى ۇيقى گورمونى - مەلاتونيننىڭ بولىنۋىنە كەرى اسەر ەتەدى، سوندىقتان ۇيقى الدىندا 30-60 مينۋت بۇرىن ەكراننان الىستاعان ءجون.
