قانات يسلام قاشان رينگكە شىعاتىنىن ايتتى

قازاقستاندىق كاسىپقوي بوكسشى قانات يسلام (29-1، 22 ك و) قاشان رينگكە شىعاتىنىن ايتتى، دەپ حابارلايدى Kazinform.

«وزدەرىڭىز دە بىلەسىزدەر، سوڭعى ءۇش-ءتورت جىلدان بەرى ەلىمىزدە كاسىپقوي بوكستان جارىستار ءوتىپ جاتقان جوق. ودان بۇرىن الماتى، استانا قالالارىندا ءجيى وتەتىن، ونى ەشكىم ۇمىتا قويماعان بولار. ءبىز سول ءداستۇردى قايتا جالعاستىرساق دەيمىز، جاستاردى سپورتقا تارتىپ، بولاشاق چەمپيونداردىڭ قاناتىن ۇشتاۋعا كىشكەنە بولسا دا قولۇىشىمىزدى بەرسەك دەگەن نيەتىمىز بار. 16- جەلتوقساندا - تاۋەلسىزدىك مەرەكەسىنە وراي جاقسى ءبىر بوكس كەشىن ۇيىمداستىرساق دەپ جوسپارلاپ وتىرمىز»، - دەدى بوكسشى قانات يسلام.

سول كۇنى ءوزى دە شارشى الاڭدا سىنعا ءتۇسۋدى كوزدەپ وتىرعانىن دا اتاپ ءوتتى.

«مەن وسىعان دەيىن پرەزيدەنتىمىز قاسىم-جومارت توقايەۆتىڭ قابىلداۋىندا ءبىر-ەكى رەت بولدىم. سوندا ەلىمىزدە كاسىپقوي بوكسشىلاردى دايىنداۋ، تاربيەلەۋ، ءجيى-ءجيى بوكس كەشتەرىن ۇيىمداستىرۋ تۋرالى ۇسىنىستار ايتتىم. پرەزيدەنت مەنىڭ ۇسىنىستارىمدى جاقسى قابىلدادى. الداعى جوسپارلاپ وتىرعان جارىستارىمىز تۋرالى مينيسترلىككە، پرەزيدەنت باسقارماسىنا حات جازىپ، ەسكەرتتىك. ەندى، سول جاقتان جاقسى جاۋاپ كەلىپ جاتسا، بوكس كەشىن وتكىزەمىز دەگەن ويدامىز. ءوزىم دە سول كۇنى شارشى الاڭدا سىنعا ءتۇسۋدى جوسپارلاپ وتىرمىن. وزگە بوكسشىلار تۋرالى جاقىندا تاعى دا ايتا جاتارمىز»، - دەدى ول.

ەستەرىڭىزگە سالا كەتەيىك، قانات يسلامنىڭ شارشى الاڭعا شىقپاعانىنا ءبىر جىلعا جۋىقتاپ قالدى. ول وتكەن جىلى قاراشادا ا ق ش- تاعى پلانت-سيتيدە ارگەنتينالىق حاۆەر فرانسيسكو ماسيەلانى (34-21، 23 ك و) تورەشىلەر شەشىشىمەن جەڭگەن بولاتىن.

اۆتور كۇنسۇلتان وتارباي