نەلىكتەن ايەلدەر ەر ادامدارعا قاراعاندا كوبىرەك ۇيىقتاۋ كەرەك؟

ۇيقى -ءبىزدىڭ ءومىرىمىزدىڭ اجىراماس جانە ماڭىزدى بولىگى. ساپاسىز جانە جەتكىلىكسىز ۇيقى جاعىمسىز سالدارلارعا اكەلەدى. سوندىقتان اركىم ۇيقى رەجيمىن ساقتاۋ كەرەك. الايدا ايەلدەر ەر ادامدارعا قاراعاندا كوبىرەك ۇيىقتاۋ كەرەگى ايتىلادى. بۇل راس پا؟

زەرتتەۋلەرگە ساي، ايەلدەر ەرلەرگە قاراعاندا تولىققاندى ۇيقىنى كوبىرەك قاجەت ەتەدى. ەگەر ەر ادام مەن ايەل ءبىر ۋاقىتتا ۇيىقتاسا جانە تاڭەرتەڭ ءبىر وياتقىشپەن ءبىر ۋاقىتتا تۇرسا، ولار وزدەرىن ءارتۇرلى سەزىنەدى. ەر ادام -سەرگەك جانە بەلسەندى جۇرەدى، ال ايەل توسەكتەن ارەڭ تۇرادى. ونىڭ سەبەبى نەدە؟

سەبەبى ايەلدىڭ ميى ەرلەردىكىنە قاراعاندا كۇردەلى. بۇل عىلىمي دالەلدەنگەن فاكت. ايەلدەر ءبىر ۋاقىتتا كوپ ماسەلەنى ورىنداي الادى. ولاردىڭ بۇل قابىلەتى ولاردى تەز شارشاتادى. سايكەسىنشە، اعزاعا جانە جۇيكە جۇيەسىنە قالىپقا كەلۋ ءۇشىن كوبىرەك ۋاقىت كەرەك.

ەكىنشى سەبەپ - گورموندى فون. ايەلدەر ەرلەرگە قاراعاندا ءومىرىنىڭ كوپ بولىگىندە گورموندى تەربەلىستەردى سەزەدى. ول ەتەككىر سيكلىمەن، جۇكتىلىكپەن جانە ەتەككىر كىدىرىسىمەن بايلانىستى بولۋى مۇمكىن. سونداي- اق كۇيزەلىس نەمەسە سوزىلمالى دەپرەسسياعا رەاكتسيا بولۋى مۇمكىن.

ءۇشىنشى سەبەپ - مازاسىز ۇيقى. كوپشىلىك ايەل ادامعا ۇيىقتاپ كەتۋ قيىن جانە تۇندە ءجيى مازاسىزدانادى.

زەرتتەۋ ناتيجەسى بويىنشا، ايەلدەر ۇيقىسى قانۋى ءۇشىن كۇيەۋىنە قاراعاندا 20 مينۋتقا كوپ ۇيىقتاۋى كەرەك.

massaget.kz