ەندى زەينەتاقى اۆتوماتتى تۇردە تاعايىندالماق

استانا. KAZINFORM - سيفرلىق دامۋ، يننوۆاتسيالار جانە اەروعارىش ونەركاسىبى ءبىرىنشى ۆيتسە-ءمينيسترى قانىش تولەۋشين زەينەتاقى راسىمدەۋ پروتسەسىن سيفرلاندىرۋ بويىنشا پيلوتتىق جوبا ناتيجەلەرى تۋرالى ايتىپ بەردى.

ونىڭ ايتۋىنشا، بۇرىن زەينەتاقى تاعايىنداۋ پروتسەسى كۇردەلى جانە ازاماتتاردىڭ جەكە قاتىسۋىن تالاپ ەتەتىن. تولەمدەردى الۋ ءۇشىن ءوتىنىش بەرۋ، قۇجاتتاردى جيناۋ جانە جۇمىس تاجىريبەسىن راستاۋ قاجەت بولدى. قاعاز دەرەكتەرىن وڭدەۋ كىدىرىستەر مەن كەزەك تۋدىردى جانە زەينەتاقىنى قولمەن ەسەپتەۋ كەزىندە قاتەلەر ءقاۋپىن ارتتىردى.

 - بۇگىندە پيلوتتىق رەجيمدە پرينتسيپتى جاڭا ءتاسىل ەنگىزىلدى. جاسى بويىنشا سكورينگ نەگىزىندە جۇيە زەينەتاقى ءىسىن اۆتوماتتى تۇردە قالىپتاستىرادى، ەڭبەك ءوتىلى تۋرالى مالىمەتتەردى تەكسەرەدى جانە ازامات تاراپىنان ءوتىنىش جاساماي-اق تولەمدەردى پرواكتيۆتى تاعايىندايدى، - قانىش تولەۋشين بۇگىنگى ۇكىمەت وتىرىسىندا.

ترانسفورماتسيا قىزمەت كورسەتۋ مەرزىمىن 10 كۇننەن 1 كۇنگە دەيىن قىسقارتۋعا، پروتسەدۋرالىق قادامدار سانىن 6 دان 1 گە دەيىن قىسقارتۋعا جانە ازاماتتار ءۇشىن پروتسەستى ايتارلىقتاي جەڭىلدەتۋگە مۇمكىندىك بەرگەن.

ايتا كەتەيىك، بيىل قازاقستاندىقتارعا 2 تريلليون تەڭگەدەن استام زەينەتاقى تولەندى.

اۆتور

ايجان سەرىكجان قىزى