ەندى كولىك الۋ ءۇشىن جەڭىلدەتىلگەن اۆتونەسيە بەرىلە مە – مينيستر جاۋاپ بەردى

بۇعان دەيىن قازاقستاندا كولىك الۋ ءۇشىن 4 پروتسەنتپەن جەڭىلدەتىلگەن اۆتونەسيە بەرىلگەن ەدى.

بۇدان بىلاي كولىك الۋ ءۇشىن جەڭىلدەتىلگەن نەسيە بەرىلمەيدى. جينالعان قاراجات قوعامدىق كولىك الۋعا جۇمسالادى. قوعامدا قىزۋ تالقىلانعان ماسەلەگە نۇكتە قويىلدى. بۇل تۋرالى Aikyn.kz AstanaTV-عا سىلتەمە جاساپ حابارلايدى.

ونەركاسىپ جانە قۇرىلىس ءمينيسترى قانات شارلاپايەۆتىڭ ايتۋىنشا، ۇستانىم وزگەرمەيدى. قوعامدىق كولىكتى جاقسارتۋ، كوبەيتۋ باعىتىندا ءتيىستى جۇمىس جۇرگىزىلىپ جاتىر.

ونەركاسىپ جانە قۇرىلىس ءمينيسترى قانات شارلاپايەۆ: «ءبىزدىڭ ەندىگى ۇستانىم - قوعامدىق كولىكتەرگە باسىمدىق بەرۋ. سەبەبى، جەكە كولىك ەمەس، قوعامدىق كولىككە سۇرانىس جوعارى. ونى پايدالانۋشىلار دا كوپ. سوندىقتان ءبىز ءبىرىنشى ورىندا قالا تۇرعىندارىن قوعامدىق كولىكتەرمەن قامتاماسىز ەتۋدى كوزدەپ وتىرمىز»، - دەدى.