ەندى شەتەلگە جۇمىسقا جىبەرەتىن اگەنتتىكتەردەن ليتسەنزيا تالاپ ەتىلەدى
استانا. KAZINFORM - قازاقستاندىقتاردى شەتەلگە جۇمىسقا ورنالاستىرۋمەن اينالىساتىن جەكە كومپانيالارعا جاۋاپكەرشىلىك كۇشەيەدى. بۇل مىندەتتى ۇكىمەت باسشىسى ولجاس بەكتەنوۆ جۇكتەدى.
- ازاماتتارىمىزدى شەتەلدە جۇمىسقا ورنالاستىرۋمەن اينالىساتىن جەكە اگەنتتىكتەردىڭ قىزمەتىنە مۇقيات نازار اۋدارۋ قاجەت. ولار ەشقانداي جاۋاپكەرشىلىك المايدى جانە قازىر ولار باقىلاۋدان دا تىس قالىپ وتىر. جىل سوڭىنا دەيىن جەكە جۇمىسپەن قامتۋ اگەنتتىكتەرىنىڭ قىزمەتىن ليتسەنزيالاۋ بولىگىندە ءتيىستى زاڭنامالىق وزگەرىستەر ازىرلەنۋى قاجەت، - دەدى ولجاس بەكتەنوۆ ۇكىمەت وتىرىسىندا.
بۇعان دەيىن پرەمەر-مينيستر كوشى-قون سالاسىنا تالداۋ جاساۋ قاجەتتىگىن ايتقان ەدى.
ەسكە سالساق، جىل باسىندا ەلىمىزدە دەموگرافيا جانە كوشى-قون سالاسىن رەتتەيتىن مەملەكەتتىك ورگان قۇرۋ ۇسىنىلدى.
سونداي-اق بيىل 1 ميلليونعا جۋىق شەتەل ازاماتى قازاقستانعا كەلۋگە ءوتىنىش بەرگەن.
