ەندى اۋىزسۋدىڭ تاريفى جاڭا ادىسپەن ەسەپتەلەدى
استانا. قازاقپارات - جەرگىلىكتى اتقارۋشى ورگاندار حالىق ءۇشىن اۋىزسۋ تاريفىن ءوزى بەلگىلەيدى.
ونىڭ مولشەرى رەسپۋبليكاداعى ورتاشا تاريف شەگىندە بولۋعا ءتيىس، - دەپ حابارلايدى Massaget.kz ءتىلشىسى.
سۋ كودەكسىنە سايكەس ءماسليحاتتارعا ءوڭىردىڭ الەۋمەتتىك-ەكونوميكالىق دامۋ دەڭگەيىنە جانە سۋ تاريفىنە قاراي اۋىزسۋدىڭ 1 تەكشە مەترىنە تولەم مولشەرىن رەتتەۋگە رۇقسات ەتىلەدى.
«بۇگىندە جەرگىلىكتى اتقارۋشى ورگاندار حالىققا تولەم مولشەرىن ايقىنداۋ ءۇشىن جۇمىس ىستەپ جاتىر»، - دەدى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ ءتوراعاسى باقىتجان جۇنىسبەكوۆ و ك ق- داعى باسپا ءسوز كونفەرەنسياسىندا.
ونىڭ ايتۋىنشا، ءبىر ادامعا تاۋلىگىنە 140 ليتر كولەمىندە سۋ تۇتىنۋ نورماسى بەكىتىلگەن، ال ودان اسىپ كەتكەن جاعدايدا تۇتىنۋشى ارتىق كولەم ءۇشىن %30 جوعارى مولشەرلەمەمەن تولەيدى.
