نازىم قىزايباي پاتەر كىلتى مەن وليمپيادا مەدالى ءۇشىن سىياقىسىن الماعان

استانا. KAZINFORM - قازاقستاندىق بوكسشى، ءۇش مارتە الەم چەمپيونى نازىم قىزايباي ءالى كۇنگە دەيىن پاتەردىڭ كىلتىن دە، وليمپيادا مەدالى ءۇشىن اقشالاي سىياقىسىن دا الماعانى.

2024-جىلعى پاريج وليمپياداسىنىڭ قولا مەدال جۇلدەگەرى بولعان نازىم قىزايبايعا قازاقستان زاڭناماسىنا سايكەس 75 مىڭ دوللار (39,2 ميلليون تەڭگە) كولەمىندە سىياقى بەرىلۋى ءتيىس.

الايدا، نازىم تىلشىلەرگە بەرگەن سۇحباتىندا مەملەكەت تاراپىنان سىياقىسىن ءالى الماعانىن ايتتى. سونداي-اق، ول الماتى قالاسى اكىمشىلىگىنىڭ ۋادە ەتكەن پاتەردىڭ كىلتىن دە الماعان.

«وليمپيادا ويىندارىنداعى قولا مەدال ءۇشىن مەملەكەتىمىزدىڭ بەرگەن سىياقىسى، ياعني 75 مىڭ دوللار ءالى جىبەرىلمەدى، ەشقانداي سپورتشىعا دا بەرىلمەگەن شىعار دەپ ويلايمىن. ويتكەنى مەن ەشكىمنىڭ العانىن ەستىمەدىم. پاتەرگە قاتىستى ايتقاندا، وليمپيادادان كەيىن سپورتشىلارعا كولىك، پاتەر سەرتيفيكاتى جانە الماتى قالاسى تاراپىنان اقشالاي سىياقى بەرىلگەن بولاتىن. كولىك پەن اقشالاي سىياقىلاردى بىردەن بەردى، ءبىراق پاتەردى شامامەن ءبىر جارىم-ەكى ايدان سوڭ بەرەتىندەرىن ايتتى. قازىر التى ايداي ۋاقىت ءوتىپ كەتتى، جاقىندا باسقارمادان حابارلاسىپ، بارلىق سپورتشىلار قالادا بولعان كەزدە ولاردى جيناپ، كىلتتى تابىستايتىندارىن ايتتى. قازىر بارلىعىمىز سونى اسىعا كۇتىپ وتىرمىز»، - دەپ قورىتىندىلادى نازىم قىزايباي.