نازاربايەۆ ۋنيۆەرسيتەتى ستۋدەنتىنىڭ ءولىمى: قىلمىستىق ءىس قوزعالدى
استانا. KAZINFORM - نازاربايەۆ ۋنيۆەرسيتەتى جاتاقحاناسىنان ءمايىتى تابىلعان ستۋدەنت قىزدىڭ ولىمىنە قاتىستى عىلىم جانە جوعارى ءبىلىم ءمينيسترى ساياسات نۇربەك پىكىر ءبىلدىردى.
ءمينيستردىڭ ايتۋىنشا، پوليتسيا بۇل ءىستى قىلمىستىق كودەكستىڭ 105-بابى بويىنشا (ءوز- وزىنە قول جۇمساۋعا دەيىن جەتكىزۋ) تەرگەپ جاتىر.
«قىلمىستىق-پروتسەستىك كودەكس اياسىندا ەشقانداي مالىمەتتەر جاريالانبايدى. تەك پوليتسيامەن بىرلەسىپ جۇمىس ىستەپ جاتقانىمىزدى راستاي الامىز»، - دەدى مينيستر.
جۋرناليستەر مينيستردەن «وقيعا ستۋدەنتتەر اراسىنداعى جانجال سالدارىنان بولۋى مۇمكىن بە؟» - دەپ سۇرادى.
«ەشتەڭە ايتا المايمىز. تەرگەۋ اياسىندا قوسىمشا اقپاراتتى پوليتسيا دەپارتامەنتى بەرەدى دەپ كەلىسىلگەن»، - دەدى شەنەۋنىك.
ايتا كەتەيىك، 18-ماۋسىمدا نازاربايەۆ ۋنيۆەرسيتەتىنىڭ ستۋدەنتى جاتاقحانادان ءولى تابىلدى. ۋنيۆەرسيتەتتىڭ باسپا ءسوز قىزمەتى قىزدىڭ وتباسى مەن جاقىندارىنا كوڭىل ايتتى.
