ناتونىڭ باس حاتشىسى ا ق ش-قا بارادى

استانا. KAZINFORM - ناتونىڭ باس حاتشىسى مارك ريۋتتە 2025-جىلدىڭ 12-14-ناۋرىزىندا ۆاشينگتونعا بارادى، دەپ حابارلايدى Kazinform ءتىلشىسى.

13-ناۋرىزدا باس حاتشى ا ق ش پرەزيدەنتى دونالد ترامپپەن اق ۇيدە كەزدەسەدى. ساپار بارىسىندا ول ا ق ش اكىمشىلىگى مەن كونگرەسىنىڭ جوعارى لاۋازىمدى تۇلعالارىمەن دە كەزدەسەدى.

ايتا كەتەيىك، ا ق ش ۇكىمەتىنىڭ تيىمدىلىگى دەپارتامەنتىنىڭ (DOGE) باسشىسى يلون ماسك سولتۇستىك اتلانتيكالىق اليانستى قايتا قۇرۋعا شاقىرعان بولاتىن.

ول سەناتور مايك ليدىڭ (يۋتا شتاتى) ناتو «ەسكىرگەن» جانە «قىرعي-قاباق سوعىس ءداۋىرى الدەقاشان اياقتالدى» دەگەن جازباسىنا جاۋاپ رەتىندە «ناتونى تولىقتاي قايتا قۇرۋ قاجەت»، - دەپ جازدى.

بۇدان بۇرىن ازەربايجان ناتونىڭ وزىق تاجىريبە ورتالىعىنا قوسىلعانىن حابارلادىق.