ناتو باس حاتشىسى ءاليانستىڭ شتاب باسشىلارىمەن كەزدەستى

استانا. قازاقپارات - 15-16-قاڭتاردا بريۋسسەلدەگى ناتو شتاب- پاتەرىندە ناتو- نىڭ جوعارى اسكەري ورگانى - اسكەري كوميتەتتىڭ قورعانىس شتابى باسشىلارىنىڭ وتىرىسى وتەدى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

Генсек НАТО провел встречу с начальниками штабов Альянса
Фото: wikipedia

بلوك سايتىندا حابارلانعانداي، كەزدەسۋ اليانستىڭ تەجەۋ مەن قورعانىسىن ودان ءارى نىعايتۋعا، ناتو- نىڭ دۇنيە جۇزىندەگى سەرىكتەستىگىن نىعايتۋعا جانە باسقا دا ماسەلەلەرگە ارنالعان.

ەكى كۇن ىشىندە ناتو- عا مۇشە ەلدەر قورعانىس شتابتارىنىڭ باسشىلارى ناتو- داعى سەرىكتەس ەلدەردىڭ اسكەري قورعانىس ورگاندارىمەن كەزدەسىپ، الەمدە تاراعان تۇراقسىزدىقپەن كۇرەسۋ ءۇشىن قالاي بىرلەسىپ جۇمىس ىستەۋ كەرەكتىگىن تالقىلايدى.

ناتو باس حاتشىسى مارك ريۋتتە ءوزىنىڭ كىرىسپە سوزىندە: «سوعىسقا جول بەرمەۋ ءۇشىن ءبىز وعان دايىندالۋىمىز كەرەك. اسكەري ويلاۋعا كوشەتىن كەز كەلدى» دەدى.

ونىڭ اتاپ وتۋىنشە، بۇل قورعانىس شىعىندارىن ۇلعايتۋ، ۋكرايناعا قولداۋدى جالعاستىرۋ جانە ناتو- نىڭ دۇنيە جۇزىندەگى سەرىكتەستەرىمەن ىنتىماقتاستىقتى نىعايتۋدى تۇسپالدايدى.

كۇن تارتىبىندەگى ماسەلەلەر:

* ناتو- نىڭ ەۋرواتلانتيكالىق ايماقتى، اعىمداعى ميسسيالار مەن وپەراتسيالاردى تەجەۋگە جانە قورعاۋعا دايىندىعى؛

* ناتو- نىڭ قورعانىستىق جوسپارلاۋ پروتسەسى جانە 2030 -جىلعا قاراي كوپ ولشەمدى اليانس قۇرۋ جولى؛

* ناتو كەڭ تارالعان جاھاندىق تۇراقسىزدىق داۋىرىندە سەرىكتەستەرگە قالاي قولداۋ كورسەتە الادى؛

* ناتو- نىڭ سەرىكتەستەرمەن ستاندارتتاۋ جانە جەدەل ۇيلەسىمدىلىگى. قازاقستان رەسپۋبليكاسىنىڭ ناتو- مەن ىنتىماقتاستىعى 1994 -جىلى قول قويىلعان بەيبىتشىلىك ءۇشىن سەرىكتەستىك (ب ءۇ س) نەگىزدەمەلىك قۇجاتىنا نەگىزدەلگەن.

ول كەلەسى ماقساتتارعا قول جەتكىزۋگە باعىتتالعان ەرەجەلەردى قامتيدى:

* اسكەري جوسپارلاۋ جانە اسكەري بيۋدجەتتى قالىپتاستىرۋ پروتسەستەرىنىڭ اشىقتىعىن دامىتۋ؛

* قارۋلى كۇشتەرگە دەموكراتيالىق باقىلاۋدى قامتاماسىز ەتۋ؛

* ب ۇ ۇ جانە/نەمەسە ناتو جەتەكشىلىك ەتەتىن وپەراتسيالارعا قاتىسۋ ءۇشىن كۇشتەردىڭ قابىلەتى مەن دايىندىعىن قولداۋ؛

* بىتىمگەرشىلىك، گۋمانيتارلىق جانە باسقا وپەراتسيالاردى جۇرگىزۋ قابىلەتىن ارتتىرۋ ماقساتىندا بىرلەسكەن وقۋ- جاتتىعۋلاردى جوسپارلاۋ ماقساتىندا ناتو- مەن اسكەري ىنتىماقتاستىق قاتىناستارىن دامىتۋ؛

* بولاشاقتا ناتو كۇشتەرىمەن ءوزارا ءىس-قيمىل جاساۋعا قابىلەتتى كۇشتەردى قۇرۋ.

اۆتور

زارينا تۋعانبايەۆا

سوڭعى جاڭالىقتار