ناۋرىزدىڭ باسىندا قار جاۋىپ، بوران سوعادى - قازگيدرومەت

استانا. KAZINFORM - «قازگيدرومەت» 1, 2 جانە 3- ناۋرىزعا ارنالعان اۋا رايى بولجامىن جاريالادى.

سينوپتيكتەردىڭ بولجامى بويىنشا، دەمالىس كۇندەرى باتىس ايماقتارعا سيكلون اسەر ەتىپ، ەلىمىزدىڭ باسىم بولىگىندە اتموسفەرالىق فرونتتار ىقپالىنان قار جاۋىپ، بوران سوعادى. وڭتۇستىك جانە وڭتۇستىك- شىعىس وڭىرلەردە جاڭبىر مەن قار جاۋادى.

2-ناۋرىزدا رەسپۋبليكانىڭ سولتۇستىك- باتىسىندا قار جاۋادى، 2-3-ناۋرىزدا وڭتۇستىكتە، 3-ناۋرىزدا وڭتۇستىك- شىعىستا جاۋىن- شاشىن جاۋادى. سونداي-اق، تۇمان ءتۇسىپ، كوكتايعاق بولادى، جەل كۇشەيەدى.

اۋا تەمپەراتۋراسى:

باتىس، سولتۇستىك-باتىس، سولتۇستىكتە تۇندە -8...-23 گرادۋس؛

شىعىستا، ورتالىقتا تۇندە -10.. .-26 گرادۋس؛
وڭتۇستىكتە تۇندە -2.. .-15 گرادۋس؛
وڭتۇستىك-شىعىستا تۇندە -3.. .-10 گرادۋس، تاۋلى ايماقتاردا -12.. .-20 گرادۋس