ناۋرىزدا قايدا بارۋعا بولادى

استانا. KAZINFORM - بيىل ەلىمىزدىڭ تۇكپىر-تۇكپىرىندە ناۋرىز مەيرامى كەڭ كولەمدە تويلانىپ، جۇزدەگەن مادەني ءىس-شارا وتەدى. بۇل تۋرالى تۋريزم جانە سپورت مينيسترلىگى حابارلادى.

ءار وڭىردە ۇلتتىق داستۇرلەردى، مۋزىكانى، گاسترونوميانى جانە زاماناۋي تەحنولوگيالاردى بىرىكتىرگەن ەرەكشە باعدارلامالار ازىرلەنگەن.

الماتى

«الماتى - ناۋرىز قۇشاعىندا» گالا-كونسەرتى (21-ناۋرىز، 11:00، استانا الاڭى) - «دوس-مۇقاسان» ءانسامبلى، مايرا مۇحامەد قىزى، كەشyou توبى جانە باسقا دا ونەرپازداردىڭ قاتىسۋىمەن وتەدى.

Juldyzdy Almaty (21-22-ناۋرىز، 18:00، استانا الاڭى) - تانىمال انشىلەر قاتىساتىن كەشكى مۋزىكالىق فەستيۆال.

Nauryz Fest فەستيۆالى (21-25-ناۋرىز، اباي الاڭى) - VR- ينستاللياتسيالارمەن بەزەندىرىلگەن ينتەراكتيۆتى كيىز ۇيلەر، اباي قۇنانباي ۇلىنا ارنالعان كورمە، قولونەر جارمەڭكەسى، شەبەرلىك ساباقتارى جانە كەشكى كونسەرتتەر.

«تۇركى الەمىنىڭ مەگا جۇلدىزدارى» كونسەرتى (22-ناۋرىز، 20:00، Almaty Arena) - Sadraddin ،Mustafa Sandal ،Roza Zergerli ،Burak قاتىسادى.

5000 ادامنان قۇرالعان حور (22-ناۋرىز، 9:30، اباي داڭعىلى) - اباي اندەرىن ورىندايدى.

«ناۋرىز تويى - مەرەكەم» كىتاپ جارمەڭكەسى (21-25-ناۋرىز، اربات) - جازۋشىلارمەن كەزدەسۋ، پوەزيالىق كەشتەر.

پانفيلوۆ كوشەسىندەگى كرەاتيۆتى فەستيۆال (21-22-ناۋرىز) - VR- ەكسپيريەنستەر، روبوت- داياشىلار، ارت-ينستاللياتسيالار.

استانا

كوشپەندىلەر وركەنيەتى فەستيۆالى (21-22-ناۋرىز) - ەتنوگرافيالىق رەكونسترۋكسيالار، كورمەلەر جانە اسپازدىق شەبەرلىك ساباقتارى.

ۇلتتىق سپورت جارىستارى (21-23-ناۋرىز) - قازاقشا كۇرەس، اسىق اتۋ، گىر كوتەرۋ جارىستارى.

ورتالىق الاڭدارداعى مەرەكەلىك كونتسەرتتەر (21-22-ناۋرىز) - وتاندىق ەسترادا جۇلدىزدارى ونەر كورسەتەدى.

تۇركىستان

«تۇركىستان - تۇركى الەمىنىڭ رۋحاني استاناسى» تۋريستىك ماۋسىمىنىڭ اشىلۋى (19-ناۋرىز) - مەرەكەلىك شەرۋ، كونتسەرتتەر، تاريحي قويىلىمدار.

«كونە تۇركى ءداستۇرى» ەتنوفەستيۆالى (22-ناۋرىز) - ۇلتتىق ويىندار، قولونەر شەبەرلىك ساباقتارى، سالت-داستۇرلەر.

بەكزات ساتتارحانوۆتى ەسكە تۇسىرۋگە ارنالعان XXIII حالىقارالىق بوكس تۋرنيرى (30-ناۋرىز – 4-ءساۋىر) - ۇزدىك بوكسشىلار قاتىساتىن بەدەلدى جارىس.

شىمكەنت

«دامداسtour» گاسترونوميالىق فەستيۆالى (30-ناۋرىز، ءال-فارابي الاڭى) - پالاۋ، كاۋاپ، سامسا، ناۋرىز-كوجە ازىرلەۋ بايقاۋى، «قازاقستانداعى ەڭ ۇلكەن سامسا» گاسترورەكوردى.

الماتى وبلىسى

ورتالىق الاڭ - 25 كيىز ءۇي، سالت-داستۇرلەر، ەسترادا جۇلدىزدارىنىڭ كونسەرتى.

قونايەۆ كوشەسى - قولونەر جارمەڭكەلەرى، اسپازدىق شەبەرلىك ساباقتارى.

قالالىق ساياباق - اسىق اتۋ، قازاقشا كۇرەس، فوتوزونالار.

قىدىر اتا مەن 100 دومبىراشىنىڭ تەاترلاندىرىلعان شەرۋى (21-ناۋرىز) - نۇرعيسا تىلەنديەۆتىڭ 100 جىلدىعىنا ارنالعان اۋقىمدى مۋزىكالىق قويىلىم.

ايتا كەتەلىك استانادا اۋداندار بويىنشا 21-22-ناۋرىز كۇندەرى ناۋرىز مەيرامىنا وراي قانداي ءىس-شارالار وتەتىنى تۋرالى جازعان ەدىك.