ناۋرىز مەرەكەسىندە قىتايمەن شەكاراداعى وتكىزۋ پۋنكتتەرى جۇمىس ىستەي مە
استانا. KAZINFORM - قىتايمەن شەكاراداعى اۆتوموبيل وتكىزۋ پۋنكتتەرى 2025 -جىلدىڭ 8-ناۋرىز جانە 21-23 -ناۋرىز ارالىعىندا جۇمىس ىستەمەيدى، دەپ حابارلايدى مەملەكەتتىك كىرىستەر كوميتەتى.
- مەملەكەتتىك كىرىستەر كوميتەتى، قازاقستان رەسپۋبليكاسىندا 2025 -جىلعى 8- ناۋرىز كۇنى «حالىقارالىق ايەلدەر» جانە 21-23 -ناۋرىز ارالىعى «ناۋرىز مەيرامىن» مەرەكەلەۋگە بايلانىستى قازاقستان-قىتاي شەكاراسىنداعى اۆتوموبيل وتكىزۋ پۋنكتەرىندە تۇلعالاردى، كولىك قۇرالدارى مەن جۇكتەردى وتكىزۋ جۇزەگە اسىرىلمايتىنىن حابارلايدى، - دەلىنگەن ۆەدومستۆو تاراتقان اقپاراتتا.
كوميتەت مالىمەتىنشە، قازاقستان-قىتاي شەكاراسىنداعى تەمىرجول وتكىزۋ پۋنكتتەرى شتاتتىق رەجيمدە جۇمىسىن جالعاستىرادى.
- تاسىمالداۋشىلار مەن بارلىق شەكارانى كەسىپ وتۋگە نيەت بىلدىرۋشىلەردى ەنگىزىلگەن شەكتەۋلەردى ەسكەرە وتىرىپ، ءوز باعىتتارىن الدىن الا جوسپارلاۋدى سۇرايمىز، - دەپ ەسكەرتتى مەملەكەتتىك كىرىستەر كوميتەتى.
