نارەندرا مودي ماسكەۋدەگى جەڭىس شەرۋىنە قاتىسۋدان باس تارتتى
نيۋ-دەلي. KAZINFORM - ءۇندىستان پرەمەر-ءمينيسترى نارەندرا مودي ماسكەۋگە جەڭىس كۇنىنە ارنالعان ءىس-شارالارعا قاتىسۋ ءۇشىن جوسپارلانعان ساپارىنان باس تارتتى. بۇل شەشىم پاحالگام قالاسىندا بولعان تەراكتىدەن كەيىنگى جاعدايعا بايلانىستى قابىلداندى، دەپ جازادى رەسەيلىك تاسس.
22 ساۋىردە ءۇندىستاننىڭ دجاممۋ جانە كاشمير وداقتاس اۋماعىندا بولعان تەررورلىق شابۋىلدا 26 ادام قازا تاپقان بولاتىن.
- پرەمەر-مينيستر ءۇندىستاندا بولعان جاعدايعا بايلانىستى ماسكەۋگە بارمايدى، - دەلىنگەن حابارلامادا.
ايتا كەتەيىك، دجاممۋ مەن كاشمير شتاتىنداعى تەرروريستىك شابۋىلدان كەيىن بيلىك 48 تۋريستىك نىساندى جابۋ تۋرالى شەشىم قابىلدادى.
بۇعان دەيىن حابارلانعانداي، ءۇندىستان پوليتسياسى كاشميردەگى شابۋىلعا قاتىستى كۇدىكتىنى انىقتادى.
كەشە تۇندە پاكىستان اسكەرى دجاممۋ مەن كاشميردەگى پارگاۆال سەكتورىنداعى ۇندىستانمەن شەكارادا وق جاۋدىردى. اتىستى توقتاتۋ رەجيمى دجاممۋ ايماعىنىڭ ءۇش نەگىزگى سەكتورىندا دا بۇزىلدى. ءۇندىستان اسكەرى باقىلاۋ سىزىعىندا التىنشى ءتۇن قاتارىنان سەبەپسىز اتىس بولعانىن حابارلادى.
