ن ا ت و- نىڭ باس حاتشىسى تۇركياعا بارادى
استانا. قازاقپارات — 13- مامىر كۇنى ناتو- نىڭ باس حاتشىسى مارك ريۋتتە تۇركياعا ساپارىن باستايدى. ول 14-15- مامىر كۇندەرى انتاليادا وتەتىن ناتو سىرتقى ىستەر مينيسترلەرىنىڭ بەيرەسمي كەزدەسۋىنىڭ قارساڭىندا انكاراعا بارادى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.
كۇتىلىپ وتىرعانداي، ن ا ت و باس حاتشىسى انكارادا تۇركيا پرەزيدەنتى رەجەپ تايىپ ەردوعانمەن كەزدەسەدى.
ن ا ت و- عا مۇشە مەملەكەتتەردىڭ سىرتقى ىستەر مينيسترلەرىنىڭ بەيرەسمي كەزدەسۋى - 24-26 -ماۋسىم كۇندەرى نيدەرلاندىنىڭ گااگا قالاسىندا وتەتىن اليانس ءسامميتىنىڭ الدىنداعى سوڭعى ءىس- شارالاردىڭ ءبىرى.
قازىرگى كەزەڭدە ەۋروپا ەلدەرى قورعانىستى كۇشەيتىپ جاتىر: ن ا ت و- عا مۇشە 22 مەملەكەت ج ءى و- ءنىڭ 2 پايىزىنا تەڭ قارجىلاندىرۋ ماقساتتارىنا جەتتى. ن ا ت و باس حاتشىسى الەمدەگى ەڭ ءىرى اسكەري اليانسقا مۇشە 32 مەملەكەتتى كوبىرەك قاراجات ءبولىپ، جابدىق جانە ساياسي كۇش سالۋعا شاقىردى. سەبەبى، ا ق ش ەۋروپاداعى قاۋىپسىزدىك سالاسىنداعى جەتەكشى رولىنەن بىرتىندەپ باس تارتىپ جاتىر.
بۇعان دەيىن، ءساۋىر ايىندا، ناتو باس حاتشىسى جاپونيا مەن ا ق ش- قا رەسمي ساپارمەن بارعان بولاتىن.
