نەگە 30 جاستان كەيىن ارىقتاۋ قيىن؟
30 جاستان كەيىن اعزادا زات الماسۋدى باياۋلاتاتىن جانە ارىقتاۋ پروتسەسىن قيىنداتاتىن وزگەرىستەر بولادى. نەلىكتەن 30 جاستان كەيىن ارىقتاۋ قيىن؟ بۇل جايلى "Eat This, Not That" باسىلىمىنا ديەتولوگ ەمي شاپيرو ايتتى.
ەمي شاپيرونىڭ ايتۋىنشا، 30 جاستان كەيىن بۇلشىقەت ماسساسى ءار 10 جىل سايىن %3-8 عا قىسقارادى. بۇلشىقەتتەر كالوريانى ءتيىمدى جاعادى. ال دەنەدە بۇلشىقەت ازايعان سايىن ارىقتاۋ دا قيىنداي تۇسەدى. وعان قوسا، بۇلشىقەت ماسساسىن جوعالتۋ زات الماسۋدى باياۋلاتادى جانە ديەتالىق ونىمدەر جەسەڭىز دە ارتىق كيلوگرامدار پايدا بولۋى مۇمكىن.
ديەتولوگ ارىقتاۋدىڭ قيىن بولا ءتۇسۋىنىڭ تاعى ءبىر سەبەبى 40-50 جاستان كەيىن بولاتىن گورموندى وزگەرىستەر ەكەنىن ايتتى.
«ەتەككىر ءۇزىلىسى كەزىندە ايەلدەردە ەستروگەن گورمونى ءتۇسىپ كەتەدى، ال ول ىشكە ماي جينالۋىنا ىقپال ەتەدى. ەرلەردە تەستوستەرون دەڭگەيى ازايادى، سوندىقتان ونىڭ ماي، بۇلشىقەت ماسساسى جانە كۇشكە بولەتىن رەتتەۋشى اسەرى ءتۇسىپ كەتەدى»، - دەپ ءتۇسىندىردى ەمي شاپيرو.
سونداي-اق مامان ارتىق سالماقپەن كۇرەسۋگە ءجيى ناشار ۇيقى كەدەرگى بولاتىنىن ەسكەرتتى. ول ارىقتاۋ مەن تۇنگى دەمالىس اراسىندا تىكەلەي بايلانىس جوق ەكەنىن، الايدا ۇيقىنىڭ قانباۋى تابەتتى ارتتىراتىن گرەلين گورمونىنىڭ دەڭگەيىن كوتەرەتىنىن ايتتى.
