چەمپيوندار ليگاسى: «بارسەلونا» «شاحتەر دونەتسك» كومانداسىنان جەڭىلىپ قالدى

فۋتبولدان UEFA چەمپيوندار ليگاسى توپتىق كەزەڭىنىڭ ءتورتىنشى تۋرى وتەدى، دەپ حابارلايدى Kazinform.

7- قاراشادا چەمپيوندار ليگاسىنىڭ توپتىق كەزەڭى اياسىندا E، F، G، H توپتارىندا باق سىنايتىن كوماندالار ءوزارا كەزدەستى.

H توبىندا سىنعا تۇسەتىن يسپانيالىق «بارسەلونا» سىرت الاڭدا ۋكراينانىڭ «شاحتەر دونەتسك» كومانداسىنا 0:1 ەسەبىمەن جول بەردى.

العاشقى ءۇش تۋردا ۇپاي جوعالتپاعان سپانيالىق فۋتبولشىلار وسىلايشا ويلاماعان جەردەن جەڭىلىپ قالدى. دەسە دە تۋرنير كەستەسىندە ەكىنشى ورنىن ساقتاپ قالدى.

ال ءبىرىنشى ورىندا پورتۋگاليانىڭ «پورتۋ» كومانداسى اتالعان تۋردا ءوز الاڭىندا بەلگيانىڭ «انتۆەرپەنىن» 2:0 ەسەبىمەن ءسۇرىندىردى.

ءتورتىنشى تۋرداعى ويىن ناتيجەلەرى تومەندەگىشە:

E توبى: «لاتسيو» (يتاليا) - «فەيەنوورد» (نيدەرلاند) 1:0، «اتلەتيكو مادريد» (يسپانيا) - «سەلتيك» (شوتلانديا) 6:0

F توبى: «بورۋسسسيا دورتمۋند» (گەرمانيا) - «نيۋكاسل يۋنايتەد» (انگليا) 2:0، «ميلان» (يتاليا) - «پاري سەن- جەرمەن» (فرانسيا) 2:1

G توبى: «سرۆەنا زۆەزدا» (سەربيا) - «رب لەيپتسيگ» (گەرمانيا) 1:2، «مانچەستەر سيتي» (انگليا) - «يانگ بويز» (شۆەيتساريا) 3:0، H توبى: «شاحتەر دونەتسك» (ۋكراينا) - «بارسەلونا» (يسپانيا) 1:0، «پورتۋ» (پورتۋگاليا) - «انتۆەرپەن» (بەلگيا) 2:0.

ەكى تۋر بۇرىن «مانچەستەر سيتي»، «ر ب لەيپتسيگ» كوماندالارى جارىستىڭ 1/8 فينالىنا جولداما الدى.

بۇگىن، 8 -قاراشادا A، B، C، D توپتارىندا ونەر كورسەتەتىن كوماندالار ءتورتىنشى تۋر ويىندارىن وتكىزەدى.

اۆتور

ءادىلجان ۇمبەت