مىسىردا جول اپاتىنان 7 ادام قازا تاۋىپ، 25 ى زارداپ شەكتى

سەيسەنبى كۇنى مىسىردىڭ وڭتۇستىگىندەگى ەل-مينيا مۋحافازاسىنىڭ جولىندا اۆتوبۋستىڭ قاتىسۋىمەن بولعان جول-كولىك اپاتى سالدارىنان 7 ادام قازا تاۋىپ، 25 ادام جاراقات الدى. Kazinform بۇل تۋرالى شينحۋا اقپارات اگەنتتىگىنە سىلتەمە جاساپ حابارلايدى.

Ahram Online مەملەكەتتىك جاڭالىقتار سايتىنىڭ جازۋىنشا، تاڭەرتەڭگى قويۋ تۇماننان جول دۇرىس كورىنبەي، اۆتوبۋس تروتۋارعا سوعىلىپ، اۋدارىلىپ قالعان.

وقيعا ورنىنا دەرەۋ جەدەل جاردەم بارىپ، زارداپ شەككەندەر جاقىن ماڭداعى اۋرۋحانالارعا جەتكىزىلدى. پروكۋراتۋرا وقيعاعا قاتىستى تەرگەۋ امالدارىن باستادى.

 

 

اۆتور
زارينا تۋعانبايەۆا