مينيسترلىك ازيادا فورماسىن سىناعان سپورتشىعا جاۋاپ بەردى

تۋريزم جانە سپورت مينيسترلىگى ازيادا سپارتاكياداسى ءۇشىن وتاندىق سپورتشىلارعا دايىندالعان سپورتتىق فورمانىڭ ساپاسىنا قاتىستى تۇسىنىكتەمە بەردى، دەپ حابارلايدى قازاقپارات ءتىلشىسى.

спорт
Фото: Olympic.kz

«قولدانىستاعى قاۋلىعا سايكەس سپورتتىق كيىم-كەشەك وتاندىق تاۋار وندىرۋشىلەردەن ساتىپ الىنۋى كەرەك. ونداي تاجىريبە بار. ايتۋلى جارىستاردا ۇلتتىق قۇرامالار وتاندىق وندىرۋشىلەردى قولدايدى. ياعني قازاقستاندىق فورمانى ساتىپ الادى، وسىلايشا جۇمىس ورىندارىن اشۋ مۇمكىندىگى بولادى»، - دەلىنگەن رەسمي حابارلامادا.

اقپاراتتا ايتىلعانداي، ازيادانىڭ سپورتتىق فورماسى ادەتتەگىدەي قازاقستاندىق وندىرۋشىلەردەن ساتىپ الىنعان.

«فورمانىڭ ديزاينى، ماتا ساپاسى ماسەلەلەرى جاتتىقتىرۋشىلار شتابىنىڭ وكىلدەرىمەن جانە سپورتشىلار اراسىندا تالقىلاندى. شەشىم القا وتىرىسىندا قابىلداندى. سپورتشىلاردان فورما بويىنشا كوميتەتكە شاعىم تۇسكەن جوق. ءبىز ازيا ويىندارىندا وسىنداي جاۋاپتى سايىستار كەزىندە سپورتشىلاردىڭ ەموتسيالارىن تۇسىنەمىز. قازىر باسقارۋشى قۇرام سپورتشىلارعا قاجەتتى جاعداي جاساۋ ءۇشىن بارلىق باعىتتا جۇمىس جۇرگىزىپ جاتىر»، - دەيدى مينيسترلىكتەن.

سوڭعى جاڭالىقتار