ميدى قارتايۋدان ساقتاۋ جولدارى - زەرتتەۋ

استانا. قازاقپارات - پيتسبۋرگ ۋنيۆەرسيتەتىنىڭ (ا ق ش) عالىمدارى تازا اۋادا سەرۋەندەۋ ميدى قارتايۋدان ساقتايتىندىعىن انىقتادى. قارتتىق دەمەنسيا اۋرۋى كەزىندە ميدىڭ كولەمى كىشىرەيەدى. ال بۇل پروسەستى باياۋلاتۋعا بولادى ەكەن.

دوكتور كيرك ەريكسوننىڭ تاجىريبەسىنە 50 مەن 80 جاس ارالىعىنداعى جۇزدەن استام ادام قاتىستى. قاتىسۋشىلاردىڭ تەڭ جارتىسى اپتاسىنا ءۇش رەت 30-40 مينۋتتاي جاياۋ سەرۋەندەسە، كەلەسى جارتىسى بۇل ۋاقىتتارىن زال ىشىندە ءتۇرلى جاتتىعۋلار جاساۋمەن وتكىزدى.

ءبىر جىل وتكەن سوڭ زەرتتەۋ تازا اۋادا سەرۋەندەگەن توپ مۇشەلەرىنىڭ ميدىڭ ەستەۋ ساقتاۋ قابىلەتىنە جاۋاپ بەرەتىن بولىگى 2-3 پايىزعا ۇلعايعاندىعىن كورسەتتى، دەپ جازادى kp.ru.