مونوپوليالىق نارىقتاعى باعانى باقىلاۋ كۇشەيەدى

استانا. KAZINFORM - ق ر باسەكەلستىكتى قورعاۋ جانە دامىتۋ اگەنتتىگى مونوپولياعا قارسى تۇزەتۋلەر پاكەتىن ازىرلەدى. زاڭ جوباسى 7 بازالىق باعىتتان تۇرادى. بۇل تۋرالى اگەنتتىكتىڭ باسپا ءسوز قىزمەتى حابارلادى.

بىرىنشىدەن، بۇل مونوپوليالىق نارىقتارداعى باعانى باقىلاۋدى كۇشەيتۋ.

«ءبىز باسەكەلەستىك نارىقتاردىڭ، اوك جانە باسقالاردىڭ باعالىق باقىلاۋىنان الىستاپ، ءبىراق نازارىمىزدى جوعارى شوعىرلانعان نارىقتارعا اۋدارىپ وتىرمىز.

مۇندا ءبىز مونوپوليالىق جوعارى باعانى ايقىنداۋ كريتەرييلەرىن كەڭەيتەمىز، مونوپوليالىق نارىقتار ءۇشىن ديناميكالىق باعا بەلگىلەۋ ەرەجەلەرىن رەتتەۋدى، سيفرلىق نارىقتارداعى ۇستەمدىكتىڭ جاڭا كريتەرييلەرىن، سونداي-اق سەم جانە ەنەرگەتيكالىق كومىردىڭ تەحنولوگيالىق بايلانىستى قىزمەتتەرىن باعالىق رەتتەۋدى ەنگىزەمىز» - دەدى باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى مارات وماروۆ.

ونىڭ ايتۋىنشا، كەلەسى ماڭىزدى باعىت - ەكونوميكالىق شوعىرلانۋدى باقىلاۋدى كەڭەيتۋ.

«ءبىز مەملەكەتتىك مۇلىك پەن رەسۋرستاردى (جەكەشەلەندىرۋ، رجس، جەر قويناۋىن پايدالانۋ) بەرۋ جونىندەگى مامىلەلەردى نارىقتىق قۇرىلىمعا بارىنشا اسەر ەتەتىن مامىلەلەردى كەلىسۋدى العاش رەت ەنگىزىپ وتىرمىز. ءبىز سونداي- اق قالعان مامىلەلەردى 50 دەن %25 عا دەيىن كەلىسۋ شەگىن تومەندەتەمىز جانە كەيبىر توپىشىلىك مامىلەلەردى باقىلاۋدى كۇشەيتەمىز» - دەدى ول.

زاڭ جوباسى سونىمەن قاتار مونوپولياعا قارسى تالداۋلار مەن تەرگەۋلەردىڭ تيىمدىلىگىن ارتتىرۋ بويىنشا ءبىرقاتار تۇزەتۋلەردى ۇسىنادى. بۇل مەملەكەتتىك ورگانداردىڭ تالداۋ قورىتىندىلارى بويىنشا اگەنتتىكتىڭ ۇسىنىمدارىن مىندەتتى تۇردە قاراۋى جانە ولاردىڭ ورىندالۋى تۋرالى ۇيعارىمدار شىعارۋى، تەرگەۋ جۇرگىزۋ ادىستەمەسى جانە باسەكەلەستىك زاڭنامانى جىل سايىن جالپىلاۋ.

سونىمەن، تۇتىنۋشىلاردىڭ مۇددەلەرىنە اسەر ەتەتىن ماڭىزدى تۇزەتۋ. ءبىزدىڭ ەلىمىزدە مونوپولياعا قارسى رەتتەۋدىڭ بارلىق كەزەڭىندە ءبىز ەشقاشان تۇتىنۋشىلارعا اقشانى قايتارۋمەن اينالىسقان ەمەسپىز. تەك اكىمشىلىك باقىلاۋ، بيۋدجەتكە ايىپپۇل سالۋ جانە بۇزۋشىلىقتى جويۋ شارالارى قولدانىلدى، ال تۇتىنۋشىلار ءادىل وتەماقى المادى.

«ءبىز ۇجىمدىق تالاپتاردىڭ ءتيىمدى مەحانيزمىن ۇسىنامىز. بۇل ينستيتۋت دامىعان ەلدەردە (ا ق ش، ە و) ءوزىن جاقسى كورسەتتى»، - دەدى اگەنتتىك باسشىسى.

مونوپولياعا قارسى رەتتەۋدى جەتىلدىرۋمەن قاتار، زاڭ جوباسى تاۋار نارىقتارىن رەتتەمەۋگە جانە مەملەكەتتىڭ كاسىپكەرلىككە قاتىسۋىن ازايتۋعا باعىتتالعان. جالپى، بۇل اگەنتتىك قىزمەتىنىڭ تيىمدىلىگىن ارتتىرۋعا، باسەكەلەستىك احۋالدى جاقسارتۋعا جانە بيزنەس ءۇشىن نەعۇرلىم قولايلى جاعدايلار جاساۋعا مۇمكىندىك بەرەدى.