گەموگلوبيننىڭ كوپ بولۋى زيان با؟
قان اناليزىندەگى گەموگلوبيننىڭ از بولۋى - انەميانىڭ بەلگىسى بولۋى مۇمكىن ەكەنىن ءبارى بىلەدى. ال گەموگلوبيننىڭ نورمادان كوپ بولۋى زيان با؟
بۇل سۇراققا كارديولوگ ولگا بوكەريا جاۋاپ بەردى، - دەپ حابارلايدى Massaget.kz ءتىلشىسى.
دارىگەردىڭ ايتۋىنشا، گەموگلوبين قانمەن بىرگە وتتەگىنى وكپەدەن باسقا مۇشەلەر مەن تىندەرگە تاسىمالدايدى. ەگەر ول قاندا تىم كوپ بولسا، بۇل اعزادا وتتەگى جەتىسپەيتىندىگىن ءبىلدىرۋى مۇمكىن، سوندىقتان ول ومىرلىك ماڭىزدى رەسۋرستاردى تاسىمالداۋ ءۇشىن وسى اقۋىزدىڭ مولشەرىن كوبەيتەدى.
"ادامنىڭ گەموگلوبينى وتە جوعارى بولسا جانە ودا بارلىق مۇمكىن قان اۋرۋلارى جوق بولسا، ونىڭ جۇرەك- قان تامىرلارى اۋرۋى نەمەسە وكپە اۋرۋى بار بولۋى مۇمكىن"، - دەپ ءتۇسىندىردى ولگا بوكەريا ءوزىنىڭ تەلەگرام- كانالىندا.
گەموگلوبين نورماسى:
ايەلدەردە - 120-140 گ/ل؛
ەرلەردە - 135-160 گ/ل.
گەموگلوبين دەڭگەيىن انىقتاۋ ءۇشىن جالپى قان ءاناليزىن تاپسىرۋ كەرەك.
