مولدوۆاداعى رەفەرەندۋم: ەۋروپالىق ينتەگراتسيا جاقتاۋشىلارى جەڭىسكە جەتتى

استانا. KAZINFORM - جەكسەنبى كۇنى وتكەن رەفەرەندۋمدا مولدوۆا ازاماتتارى ەۋروينتەگراتسيانى جاقتادى، رەسمي دەرەكتەرگە سايكەس، ولار از عانا باسىمدىقپەن جەڭىسكە جەتتى، دەپ جازادى Euronews.

مولدوۆا پرەزيدەنتى جەكسەنبى كۇنگى رەفەرەندۋمدا بيۋللەتەندەردىڭ 58 پايىزى وڭدەلگەن سوڭ ەلدىڭ ەو- عا كىرۋىنە قارسى داۋىستاردىڭ باسىم بولۋىنىڭ سەبەبى سايلاۋشىلاردىڭ كوبى ساتىپ الىنعان دەپ ءتۇسىندىردى. ودان كەيىن حاتتامالاردىڭ 98,11 پايىزى سانالىپ، ەۋروپالىق ينتەگراتسيانى قولدايتىندار مەن قارسىلار تەڭ تۇسكەنى جاريالاندى. ال بيۋللەتەندەردىڭ 100 پايىزى وڭدەلگەندە ەۋروپالىق ينتەگراتسيانى جاقتاۋشىلاردىڭ جەڭىسكە جەتكەنى بەلگىلى بولدى.

مولدوۆا پرەزيدەنتى مايا ساندۋ جەكسەنبى كۇنگى رەفەرەندۋمدا سايلاۋشىلاردى ساتىپ الۋ بولعانىن مالىمدەپ، «بوستاندىق پەن دەموكراتياعا بۇرىن- سوڭدى بولماعان شابۋىل» جاسالعانىن ايتتى. مەملەكەت باسشىسىنىڭ ايتۋىنشا، «قىلمىستىق توپتار» 300 مىڭ داۋىستى - بارلىق تىركەلگەن سايلاۋشىلاردىڭ %10 ىن ساتىپ العان.

«كەيبىرەۋلەر ءوز داۋىستارىن ساتىپ جىبەردى. كەز كەلگەن دەموكراتيالىق ەلدە ادامداردىڭ كوزقاراسى ءارتۇرلى، بۇل قالىپتى جاعداي. ءبىراق قىلمىستىق توپتاردىڭ سايلاۋشىلاردى ساتىپ الۋى قالىپتى جاعداي ەمەس. مەن قىلمىستىق توپتاردى مولدوۆا سايلاۋشىلارىنىڭ داۋىسىن ساتىپ الۋ ءۇشىن ارام اقشا پايدالاندى دەپ ايىپتايمىن»، - دەدى مايا ساندۋ.

مايا ساندۋ بۇل قىلمىستىق توپتاردىڭ ناقتى كىم ەكەنىن اتامادى. مولدوۆا وپپوزيتسياسى مايا ساندۋ ءوزىنىڭ مالىمدەمەلەرىنە دالەل كەلتىرمەگەنىن ايتتى. ال ە ق ى ۇ-نىڭ حالىقارالىق باقىلاۋشىلارى ءوز كەزەگىندە ۋچاسكەلەردە داۋىس ۇرلاۋ فاكتىلەرىن تىركەمەگەنىن، ءبىراق «مانيپۋلياتسيالىق ارالاسۋ»، جالعان اقپارات ناۋقاندارى جانە ساياسي كۇشتەردى زاڭسىز قارجىلاندىرۋ تۋرالى ءارتۇرلى فاكتىلەر بولعانىن اتاپ ءوتتى.

بۇعان دەيىن مولدوۆاداعى رەفەرەندۋمدا ە و-عا قوسىلۋدى جاقتاۋشىلار مەن قارسىلاردىڭ داۋسى تەڭ تۇسكەنىن حابارلاعان بولاتىنبىز.

اۆتور
ەركەجان سماعۇلوۆا