مولدوۆادا قازاقستان قۇرمەتتى كونسۋلدىعىنىڭ اشىلۋ سالتاناتى ءوتتى
استانا. KAZINFORM - مولدوۆانىڭ ەكىنشى ءىرى قالاسى - بەلتستا قازاقستان رەسپۋبليكاسىنىڭ قۇرمەتتى كونسۋلدىعىنىڭ سالتاناتتى اشىلۋ ءراسىمى بولدى. قۇرمەتتى كونسۋلدىق قىزمەتىنىڭ نەگىزگى باسىمدىقتارى قازاقستاندىقتاردى قولداۋ، ەكى ەل اراسىنداعى ساۋدا- ەكونوميكالىق جانە مادەني- گۋمانيتارلىق بايلانىستاردى نىعايتۋ. بۇل تۋرالى ق ر سىرتقى ىستەر مينيسترلىگىنىڭ باسپا ءسوز قىزمەتى ءمالىم ەتتى.
قازاقستاننىڭ بەلتستەگى قۇرمەتتى كونسۋلى بولىپ «JLC» كومپانيالار توبىنىڭ ۆيتسە- پرەزيدەنتى، «JLC Sut LLC» (تالدىقورعان) نەگىزىن قالاۋشىسى، «Food master lce cream LLC» (الماتى) باس ديرەكتورى يۋريە جاردان تاعايىندالدى.
اشىلۋ سالتاناتىنا م ر سىرتقى ىستەر مينيسترلىگىنىڭ پروتوكول باسشىسى ميحايل باربۋلات، بەلس قالاسىنىڭ ءمەرى الەكساندر پەتكوۆ جانە ديپلوماتيالىق كورپۋس، بيزنەس- قوعامداستىق، مەملەكەت وكىلدەرى مەن دەپۋتاتتار قاتىستى.
ق ر ەلشىسى المات ايداربەكوۆ قۇرمەتتى كونسۋلدىقتىڭ اشىلۋىنىڭ ماڭىزدىلىعىن ەسكەرە وتىرىپ، بۇل ينۆەستيتسيالىق، ساۋدا- ەكونوميكالىق بايلانىستاردى تەرەڭدەتۋگە جانە مادەني- گۋمانيتارلىق ىنتىماقتاستىقتى نىعايتۋعا جاڭا مۇمكىندىكتەر اشاتىن ەكىجاقتى قاتىناستاردى دامىتۋدىڭ جاڭا كەزەڭى ەكەنىن اتاپ ءوتتى.
ءوز تاراپىنان جاڭادان تاعايىندالعان ق ر قۇرمەتتى كونسۋلى يۋ. جاردان قازاق تاراپىنىڭ جوعارى سەنىمى ءۇشىن العىسىن ءبىلدىرىپ، ەلدەرىمىز اراسىنداعى بارلىق سالالارداعى ءىس-قيمىلدى جانداندىرۋعا دايىن ەكەنىن راستادى.
بەلس - مولدوۆانىڭ ونەركاسىپ ورتالىعى، ونىڭ اۋماعىندا ءىرى وندىرىستىك جانە ەڭ ۇلكەن ەركىن ەكونوميكالىق ايماقتار ورنالاسقان. قالادا 40-تان استام كاسىپورىن بار: تاماق جانە جەڭىل ونەركاسىپ، ەلەكتروتەحنيكالىق جانە اۋىلشارۋاشىلىق ماشينا جاساۋ، قۇرىلىس ماتەريالدارىن ءوندىرۋ جانە ت. ب.
