مولدوۆا ءبىرىڭعاي ەۋرو تولەم ايماعىنا قوسىلدى

استانا. KAZINFORM - مولدوۆا رەسمي تۇردە ءبىرىڭعاي ەۋرو /SEPA/ تولەم ايماعىنا قوسىلدى، بۇل ەل ازاماتتارى مەن بيزنەسى ءۇشىن ترانزاكتسيالىق شىعىنداردى ازايتادى، دەپ جازادى شينحۋا.

بەيسەنبىدە بريۋسسەلدىڭ شەشىمىنەن كەيىن ەلدىڭ SEPA- عا قوسىلۋى حالىقارالىق اۋدارىمدار كوميسسيالارىن تومەندەتەدى. بۇل ءوز كەزەگىندە شەتەلدە جۇمىس ىستەپ، ۇيىنە اقشا جىبەرەتىن مولدوۆالىقتارعا پايداسىن تيگىزەدى، دەدى مولدوۆا ۇلتتىق بانكىنىڭ باسشىسى انكا دراگۋ.

ونىڭ باعالاۋى بويىنشا SEPA- عا مۇشەلىك ەتۋ مولدوۆاعا جىل سايىن شامامەن 12 ميلليون ەۋرو ۇنەمدەۋگە مۇمكىندىك بەرەدى، ال ورتا مەرزىمدى پەرسپەكتيۆادا الەۋەتتى ۇنەمدەۋ 20 ميلليون ەۋروعا جەتەدى.

SEPA مولدوۆا ەكسپورتىنىڭ باسەكەگە قابىلەتتىلىگىن ارتتىرا وتىرىپ، بيزنەس ءۇشىن ەۋرو ۆاليۋتاسى ترانزاكتسيالارىنداعى قوسىمشا تولەمدەر مەن كىدىرىستەردى جويادى. بۇل رەتتە مولدوۆا ەكسپورتىنىڭ 60 پايىزى ە و- عا باراتىنىن ايتا كەتكەن ءجون.

ەندى مولدوۆا بانكتەرى SEPA- عا ينتەگراتسيالانۋ ءۇشىن تەحنيكالىق جاڭارتۋدان وتەدى. بۇل بىرنەشە ايعا سوزىلۋى مۇمكىن.

SEPA - ەو ەلدەرىندە جانە باسقا قاتىسۋشى مەملەكەتتەردە ەۋرو تولەمدەرىن ستاندارتتايتىن، ىشكى جانە ترانسشەكارالىق ترانزاكتسيالار اراسىنداعى ايىرماشىلىقتاردى جوياتىن ەۋروپالىق جۇيە.

ايتا كەتەيىك، مولدوۆا 2024-جىلدىڭ قاڭتارىندا SEPA عا قوسىلۋعا ءوتىنىش بەردى.

بۇدان بۇرىن ينتەرپولدىڭ ىزدەۋىندە جۇرگەن قىرعىزستان پرەزيدەنتىنىڭ بۇرىنعى كومەكشىسى مولدوۆادا ۇستالعانىن جازعان ەدىك.