موپەديستەردىڭ كىناسىنەن ەكى كۇندە 3 ادام قازا تاپتى – ءى ءى م

 ەلىمىزدە ەلەكترلى ساموكاتتار مەن موپەد جۇرگىزۋشىلەرى كوبەيە باستادى. بۇل تۋرالى ىشكى ىستەر ءبىرىنشى ۆيتسە-مينيستر مارات قوجايەۆ ءمالىم ەتتى، دەپ حابارلايدى قازاقپارات ءتىلشىسى. 

ҚР ІІМ
Фото: Фото: ҚазАқпарат

ەلىمىزدە ەلەكترلى ساموكاتتار مەن موپەد جۇرگىزۋشىلەرى كوبەيە باستادى. بۇل تۋرالى ىشكى ىستەر ءبىرىنشى ۆيتسە-مينيستر مارات قوجايەۆ ءمالىم ەتتى، دەپ حابارلايدى قازاقپارات ءتىلشىسى.

«سوڭعى جىلدارى ەلەكتر ساموكاتتار مەن موپەدتەر كوبەيدى. ولاردىڭ سانى ەندى ارتپاسا، تومەندەمەيدى. تەك سوڭعى ەكى كۇندە موپەديستەردىڭ كىناسىنەن 3 ادام قازا تاپتى. بيىل 30-تامىزدا ءماجىلىس دەپۋتاتتارىمەن بىرلەسىپ ازىرلەنگەن زاڭ جوباسى قابىلداندى. وندا ەلەكتر ساموكات ۇعىمى، ءجۇرىپ-تۇرۋ ەرەجەلەرى، سونداي-اق ولاردىڭ جۇرگىزۋشىلەرىنىڭ قۇقىقتارى مەن مىندەتتەرى بەكىتىلگەن. بۇل شارالار ولاردىڭ ءجۇرىسىن رەتتەۋگە مۇمكىندىك بەردى، ال پوليتسيادا ىقپال ەتۋدىڭ ناقتى تەتىكتەرى پايدا بولدى»، - دەدى مارات قوجايەۆ ۇكىمەت وتىرىسىندا بايانداما جاساي وتىرىپ.

ءبىرىنشى ۆيتسە-ءمينيستردىڭ مالىمدەۋىنشە، قىركۇيەك ايىندا عانا ساموكات جۇرگىزۋشىلەرى تاراپىنان 1,7 مىڭنان استام بۇزۋشىلىق انىقتالدى.

«ونىڭ ىشىندە 562 فاكتى بويىنشا كامەلەتكە تولماعاندار بولىپ شىقتى. بۇل ماسەلەنى پوليتسيا ارقىلى شەشۋ مۇمكىن ەمەس. اكىمدىكتەر تاراپىنان ينفراقۇرىلىمدى دامىتۋ بويىنشا شارالار قاجەت، بولىنگەن جولاقتاردى جايلاستىرۋ، جەكە ۆەلوجولدار سالۋ، ەلەكتر ساموكاتتاردىڭ قوزعالىسىنا تىيىم سالىنعان ايماقتارعا ءبولۋ كەرەك»، - دەيدى ول.

سوڭعى جاڭالىقتار