موڭعوليادان قازاقستان تاريحىنا قاتىستى فوتو جانە كينوقۇجاتتار تابىلدى
استانا. قازاقپارات - «ارحيۆ - 2025» كەشەندى جوسپارى اياسىندا شەت ەل ارحيۆتەرىنەن قازاقستاننىڭ تاريحى مەن مادەنيەتىنە قاتىستى تاريحي قۇجات جيناقتاۋ ماقساتىندا ق ر ورتالىق مەملەكەتتىك كينوفوتوقۇجاتتار مەن دىبىس جازبالار ارحيۆىنىڭ دەلەگاتسياسى موڭعوليانىڭ ۇلان-باتىر قالاسىنا ىسساپارمەن باردى.
عىلىمي-زەرتتەۋ جۇمىستارى بارىسىندا موڭعوليا ۇلتتىق ارحيۆىنەن قازاقستانعا قاتىستى قۇجاتتار انىقتالىپ، 90 فوتوقۇجات جانە جالپى ۇزاقتىعى 92 مينۋتتىق كينوقۇجاتتىڭ كوشىرمەسى الىندى.
كينوقۇجاتتا بايان-ولگەي ايماعىنىڭ ون جانە جيىرما جىلدىعىنا ارنالعان بەينەقۇجاتتارى، قازاقستاندىق دەلەگاتسيانىڭ جەرگىلىكتى قازاقتاردىڭ تىنىس-تىرشىلىگىمەن تانىسۋى تۋرالى دەرەكتەر بار. ال فوتوقۇجاتتاردا بايان-ولگەي ايماعىنداعى قازاق حالقىنىڭ تۇرمىسى، جەرگىلىكتى تەاتر ارتىستەرىنىڭ قويىلىمدارى، ءار جىلدارى موڭعوليا ەلىنە ساپارلاعان قازاقستاندىق وكىلدەر بەينەلەنگەن.
ق ر مادەنيەت جانە اقپارات مينيسترلىگىنىڭ باسپا ءسوز قىزمەتى
