موڭعوليا مەكتەپتەرىندە اعىلشىن ءتىلى نەگىزگى شەت تىلىنە اينالادى
استانا. KAZINFORM - موڭعوليادا اعىلشىن ءتىلى نەگىزگى شەت تىلىنە اينالادى. ال اعىلشىن ءتىلى مۇعالىمدەرى شەتەلدە ءبىلىم الادى، دەپ جازادى gazeta-n1.
اعىلشىن ءتىلى 2024-جىلدىڭ قىركۇيەگىنەن باستاپ موڭعول مەكتەپتەرىندەگى نەگىزگى شەت ءتىلى بولادى. بۇل تۋرالى ەلدىڭ جاڭا ءبىلىم ءمينيسترى پۋرەۆسۋرەنگين نارانبايار جاڭا وقۋ جىلىنا دايىندىق جونىندەگى كەڭەستە مالىمدەدى.
- ءۇشىنشى سىنىپتان باستاپ اعىلشىن ءتىلىن نەگىزگى شەت ءتىلى رەتىندە وقىتۋ بيىلعى وقۋ جىلىندا 100 مەكتەپتە تەستىلىك رەجيمدە باستالادى. Pearson English باعدارلاماسى وففلاين جانە ونلاين تۇردە وقىتىلادى، - دەدى ەلدىڭ ءبىلىم ءمينيسترى.
ول اعىلشىن ءتىلى مۇعالىمدەرى ماگيستر دارەجەسىن الۋ ءۇشىن شەتەلدە ءبىلىم الاتىنىن ايتتى. بۇعان دەيىن ەكى ەلدىڭ سىرتقى ىستەر مينيسترلەرى موڭعوليانىڭ اعىلشىن ءتىلى مۇعالىمدەرىن فيليپپيندە وقىتۋ تۋرالى كەلىسىمگە كەلگەن بولاتىن.
سونداي-اق، ا ق ش مەملەكەتتىك حاتشىسى ەنتوني بلينكەن ۇلان-باتورعا ساپارى بارىسىندا موڭعوليادا اعىلشىن ءتىلى ورتالىعىن قۇرۋ نيەتى تۋرالى ايتتى.
