موڭعوليا دۇنيەجۇزىلىك قوس وركەشتى تۇيە قاۋىمداستىعىن قۇرادى

ب ۇ ۇ باس اسسامبلەياسى 2024 -جىلدى حالىقارالىق تۇيە جىلى دەپ جاريالادى. وسىعان وراي موڭعوليادا حالىقارالىق تۇيە جىلىنىڭ اشىلۋ سالتاناتى ۇيىمداستىرىلدى، دەپ حابارلادى مونسامە اگەنتتىگى.

وتكەن جىلى موڭعوليا ۇكىمەتى ءتيىستى قاۋلى شىعاردى. سونىمەن قاتار، ەلىمىز دۇنيەجۇزىلىك قوس وركەشتى تۇيە قاۋىمداستىعىن قۇرۋعا باستاماشى بولدى.

«موڭعوليادا تۇيە وسىرۋشىلەرمەن، ۇكىمەتتىك ەمەس ۇيىمدارمەن، قاۋىمداستىقتارمەن، عالىمدارمەن جانە بيزنەس وكىلدەرىمەن تۇيە ءسۇتىن ءوندىرۋ كلاستەرىن قۇرۋ بويىنشا جۇمىس ىستەپ جاتىرمىز. بايانحونگور ايماعىندا تۇيە ءسۇتىن وڭدەيتىن زاۋىت قۇرىلىپ، العاشقى ناتيجەلەر بار. ءدال وسىنداي زاۋىتتى باسقا ايماقتا قۇرۋدى قولعا الىپ جاتىرمىز»، - دەدى ازياداعى ءسۇت ونەركاسىبىن دامىتۋ جونىندەگى سەرىكتەستىك حاتشىلىعىنىڭ اتقارۋشى ديرەكتورى ب. باتبايار.

اشىلۋ سالتاناتىندا ءسوز العان موڭعول ءجۇن جانە كاشەمير قاۋىمداستىعىنىڭ اتقارۋشى ديرەكتورى د. التانسەسەگ موڭعولدار مال شارۋاشىلىعىنان الىناتىن شيكىزاتتىڭ ءبارىن پايدالاناتىنىن اتاپ ءوتتى. تۇيە دە وتە پايدالى جانۋار. تۇيەلەردىڭ، اسىرەسە ەكى جاسار تۇيەلەردىڭ ءجۇنى وتە جۇمساق، ساپاسى جاعىنان ەشكى كاشەميرىنە ۇقساس بولاتىنىن ايتتى.

اۆتور

ەركەجان سماعۇلوۆا