موڭعوليا استاناسىندا حالىقارالىق مارافون باستالدى

моңғолия
Фото: montsame.mn

ۇلانباتىر. KAZINFORM - سەنبى كۇنى موڭعوليا استاناسىندا حالىقارالىق «Ulaanbaatar Marathon 2024» باستالدى، دەپ حابارلايدى شينحۋا.

ۇلانباتىرداعى مارافوننىڭ ماقساتى - سالاۋاتتى ءومىر سالتىن ناسيحاتتاۋ جانە حالىقتى بەلسەندى دەنە شىنىقتىرۋ مەن سپورتقا تارتۋ، بۇقارالىق سپورتتى دامىتۋ، قاشىقتىققا جۇگىرۋدە سپورتتىق جەتىستىكتەردىڭ ءوسۋىن ىنتالاندىرۋ.

بۇل جولى مارافونعا 34 ەلدەن بارلىعى 20451 ادام قاتىسۋدا.

جارىسقا قاتىسۋشىلار كاسىبي مارافون /42 شاقىرىم/، جارتىلاي مارافون /21 شاقىرىم/، اۋەسقويلار ءۇشىن 10 جانە 5 شاقىرىمدىق مارافون، مۇمكىندىگى شەكتەۋلى جاندار مەن ولاردىڭ وتباسىلارى ءۇشىن 1,5 شاقىرىمدىق مارافوندار جۇگىرەدى.

«Ulaanbaatar Marathon 2024» جارىسىنا قاتىسۋعا 20 مىڭنان استام ادام تىركەلگەن.

Montsame اگەنتتىگىنىڭ حابارلاۋىنشا، مارافوننىڭ باعىتى ولشەنىپ، بەكىتىلگەن، سونىمەن قاتار جولدىڭ باستالۋ جانە اياقتالۋ ورىندارى، اۋىز سۋ نۇكتەلەرى، مەديتسينالىق قىزمەت كورسەتۋ جانە مارشرۋت بويىنداعى قىزمەتتەر كورسەتىلەدى. باعىت بويىنشا 310 پۋنكتتە 450 پوليتسيا قىزمەتكەرى قىزمەت كورسەتەدى.

«Ulaanbaatar Marathon 2024» بايقاۋىنا تىركەلۋ ەكى اي بويى جالعاسقان. ازاماتتاردىڭ ءوتىنىشى بويىنشا 5 شاقىرىمدىق جارىسقا قاتىسۋشىلاردى تىركەۋ ءۇش كۇنگە ۇزارتىلىپ، 24-مامىر كۇنى ساعات 17:00 دە اياقتالاعان.

اۆتور

جاراسقان نۇرىبايەۆ

سوڭعى جاڭالىقتار