مەتاپنيەۆموۆيرۋس. د س م اۋرۋدىڭ تارالۋىنا بايلانىستى ۇندەۋ جولدادى

استانا. KAZINFORM - ق ر دەنساۋلىق ساقتاۋ مينيسترلىگى مەتاپنيەۆموۆيرۋستىڭ ەپيدەميولوگيالىق جاعدايى مەن تارالۋىنا قاتىستى تۇسىنىكتەمە بەردى.

ءجىتى رەسپيراتورلىق ۆيرۋستىق ينفەكسيالارعا جاتاتىن مەتاپنيەۆموۆيرۋستىڭ الەمدە تارالۋى تۋرالى ب ا ق- تاعى سوڭعى حابارلارعا بايلانىستى ق ر دەنساۋلىق ساقتاۋ مينيسترلىگى مىنانى حابارلايدى.

- ادام مەتاپنيەۆموۆيرۋسى - كوپتەگەن ەلدەردە ونداعان جىلدار بويى تارالعان كلاسسيكالىق ۆيرۋستاردىڭ ءبىرى. بۇل ۆيرۋستىڭ شتامدارى قازاقستاندا جرۆي جانە تۇماۋ اۋرۋلارىنىڭ ماۋسىمدىق ءوسۋى كەزەڭىندە كەڭىستىكتە بەلسەندى اينالىمدا بولاتىن ينفەكتسيالاردىڭ باسقا تۇرلەرىمەن قاتار انىقتالدى، - دەلىنگەن حابارلامادا.

سانيتاريالىق-ەپيدەميولوگيالىق باقىلاۋ كوميتەتىنىڭ مالىمەتىنشە، ەپيدەميالىق ماۋسىمنىڭ باسىندا رەسپۋبليكا بويىنشا تۇماۋعا جاتپايتىن ۆيرۋستارعا 8360 ۇلگى زەرتتەلگەن. ونىڭ ىشىندە وڭ 1866 (%22)، ونىڭ ىشىندە پاراتۇماۋ - 178 (%9,5)، رس ۆيرۋسى - 433 (%23,2)، مەتاپنيەۆموۆيرۋس - 30 (%1,6)، رينوۆيرۋس - 680 (%36,4)، بوكاۆيرۋس - 113 (%6,1)، ادەنوۆيرۋس - 226 (%12,1)، كوروناۆيرۋس - 206 (%11,1).

مەتاپنيەۆموۆيرۋس نەگىزىنەن اۋا تامشىلارى ارقىلى جانە از جاعدايدا تۇرمىستىق بايلانىس ارقىلى بەرىلەدى. ينفەكتسيانىڭ نەگىزگى بەلگىلەرى - جوتەل، مۇرىننان سۋ اعۋ، ەنتىگۋ، تىرىسۋ، باس اۋرۋى. ناقتى ەمدەۋ جوق، سيمپتوماتيكالىق ەمدەۋ قولدانىلادى.

- قازىرگى ۋاقىتتا قازاقستاندا، بۇكىل الەم سياقتى، جرۆي جانە تۇماۋمەن سىرقاتتانۋشىلىقتىڭ ماۋسىمدىق ءوسۋى تىركەلۋدە. ەپيدەميولوگيالىق ماۋسىمنىڭ باسىنان باستاپ، اعىمداعى جىلدىڭ 1-قازانىنان باستاپ رەسپۋبليكادا ج ر ۆ ي- ءدىڭ 2002335 جاعدايى جانە زەرتحانالىق راستالعان تۇماۋدىڭ 941 جاعدايى، ونىڭ ىشىندە ا (H1N1) ءتيپتى تۇماۋدىڭ 910 جاعدايى، ا (H3N2) -1 جاعدايى، ۆ تۇماۋىنىڭ 30 تىركەلدى. دەنساۋلىق ساقتاۋ مينيسترلىگى حالىقتى پروفيلاكتيكا شارالارىن ساقتاۋعا جانە ادامدار كوپ جينالاتىن جەرلەردە بايلانىستاردى شەكتەۋگە شاقىرادى، بۇل اسىرەسە سوزىلمالى اۋرۋلارى بار ەڭ وسال پاتسيەنتتەرگە قاتىستى، - دەپ دابىل قاقتى مينيسترلىك.

تۇماۋ مەن ج ر ۆ ي- دىڭ پروفيلاكتيكا شارالارى: ادامدار كوپ جينالاتىن ورىندارعا، اسىرەسە جابىق ءۇي- جايلارعا بارۋدى شەكتەۋ؛ ءۇي- جايلاردى ۇنەمى جەلدەتۋ؛ قولدى تازارتۋ ءۇشىن انتيسەپتيكتەردى نەمەسە دەزينفەكتسيالىق مايلىقتاردى قولدانۋ؛ اۋرۋ ادامدارمەن بايلانىسىن شەكتەۋ، ولاردىڭ وقشاۋلانۋىن قامتاماسىز ەتۋ؛ تۇماۋ جانە ج ر ۆ ي بەلگىلەرى پايدا بولعان كەزدە بالالاردى ۇيدە قالدىرۋ جانە ۇيىمداسقان ۇجىمدارعا (مەكتەپكە دەيىنگى ۇيىمدارعا، مەكتەپتەرگە) جىبەرمەۋ. اۋرۋ بەلگىلەرى پايدا بولعان كەزدە دەر كەزىندە مەديتسينالىق كومەككە جۇگىنۋ.

ەسكە سالساق، بۇعان دەيىن س ق و- دا تۇرعىندار تۇماۋعا جاتپايتىن ۆيرۋستارمەن اۋىرىپ جاتقانىن جازدىق.