مەرەكەلەر قارساڭىندا «قازاقستان تەمىر جولى» قوسىمشا پويىزدار قوستى

«جولاۋشىلار تاسىمالى» ا ق تاۋەلسىزدىك كۇنى مەرەكەسى مەن جاڭا جىل مەيرامى قارساڭىندا پويىز بيلەتتەرىنە سۇرانىستىڭ ارتاتىنىنا بايلانىستى بىرنەشە باعىت بويىنشا قوسىمشا پويىزدار قوسىپ وتىر، دەپ حابارلايدى Kazinform.

قوسىمشا پويىزدار كەلەسى باعىتتار بويىنشا قاتىنايدى:

№201/202 «نۇر-سۇلتان 1 -شىمكەنت» باعىتىندا: ەلوردادان 3 پويىز شىعادى - 2023 -جىلدىڭ 15، 29-جەلتوقسانىندا جانە 2024 -جىلدىڭ 1-قاڭتارىندا. شىمكەنتتەن كەرى شىعاتىن كۇندەر - بيىلعى 16، 30-جەلتوقسان مەن 2024 -جىلدىڭ 2-قاڭتارى.

№203/204 «نۇر-سۇلتان نۇرلى جول - الماتى 2» باعىتىندا: «نۇرلى جول» ۆوكزالىنان 5 پويىز شىعادى - وسى جىلدىڭ 15، 28، 29-جەلتوقسانىندا جانە 2024 -جىلدىڭ 1، 2-قاڭتارىندا. الماتى 2 ۆوكزالىنان كەرى قايتاتىن كۇندەر - 16، 29، 30-جەلتوقسان جانە 2024 -جىلدىڭ 2، 3-قاڭتارى.

قۇرام ستاندارتتى كۋپە مەن پلاسكارت ۆاگوندارىنان تۇرادى.

سونداي-اق №7510/7509 ەلەكتر پويىزىنىڭ استانادان پاۆلودار باعىتىندا قوسىمشا رەيستەرى قوسىلادى. پويىز ەلوردادان وسى جىلدىڭ 15، 29، 30-جەلتوقسانىندا، ال كەرى باعىتتا - بيىلعى جىلدىڭ 18-جەلتوقسانىندا جانە 2024 -جىلدىڭ 2 قاڭتارىندا جۇرەدى.

«بۇدان باسقا سۇرانىسى كوپ باعىتتار بويىنشا تەحنيكالىق مۇمكىندىك بولعان جاعدايدا جولاۋشىلار پويىزدارىنا قوسىمشا ۆاگوندار قوسىلادى»، - دەلىنگەن مالىمەتتە.

ەسكە سالايىق، 21-قاراشادا ۇكىمەتتە وتكەن باسپا ءسوز ءماسليحاتىندا ق ت ج باسشىسى نۇرلان ساۋرانبايەۆ جاڭا جىل مەرەكەسى كۇندەرىنە الماتى مەن استانا اراسىنداعى پويىزدارعا بيلەت قالماعانىن ايتقان ەدى. سول سەبەپتى قوسىمشا پويىزدار قوسىلاتىنىن اتاپ ءوتتى.