مەرەكە قارساڭىندا مۇعالىمدەرگە گۇل سىيلاۋعا بولا ما؟
استانا. KAZINFORM - وقۋ-اعارتۋ مينيسترلىگىنىڭ باسپا ءسوز قىزمەتى ۇستازدار كۇنىنە وراي مۇعالىمدەرگە گۇل سىيلاۋ تۋرالى سۇراققا جاۋاپ بەردى.
«مەرەكە قارساڭىندا ارىپتەستەردەن «مۇعالىمگە گۇل سىيلاۋعا بولا ما؟» دەگەن سۇراقتار تۇسە باستادى. وسى ورايدا اتالعان سۇراققا قاتىستى ۇستانىمدى بىلدىرگىم كەلەدى. ۇستازدار كۇنى راسىندا ەرەكشە كۇن، مەرەكە پەداگوگتاردىڭ ءبىزدىڭ ومىرىمىزدەگى ماڭىزدى ءرولىن تاعى ءبىر ەسكە سالادى. سونداي-اق بۇل - ءبىزدى تاربيەلەۋ مەن وقىتۋعا بار كۇش-جىگەرىن جۇمساعان ۇستازدارعا العىس ءبىلدىرۋدىڭ مۇمكىندىگى.
«گۇل سىيلاۋ، جاقسى لەبىز ءبىلدىرۋ - ءبىزدىڭ مۇعالىمدەرىمىزگە بىلدىرەتىن العىس سەزىمىمىزدىڭ بەلگىسى. مۇنداي ىقىلاس ۇستاز ەڭبەگىنىڭ ماڭىزدىلىعىن كورسەتىپ قانا قويماي، ۇرپاقتار اراسىنداعى سىيلاستىق قارىم- قاتىناستى نىعايتا تۇسەدى. ايتا كەتۋ كەرەك، ۇستازعا قۇرمەت كورسەتۋ ۇرپاقتار اراسىندا ساقتالىپ كەلە جاتقان ءداستۇر»، - دەيدى وقۋ-اعارتۋ مينيسترلىگىنىڭ وكىلى مەرەكە امانگەلدى قىزى.
