مەرەكە كۇندەرى بۋرابايعا بارعان ادام سانى وتكەن جىلمەن سالىستىرعاندا ەكى ەسە كوپ بولعان

استانا. KAZINFORM - بۇل وتكەن جىلمەن سالىستىرعاندا ەكى ەسە كوپ، دەپ حابارلايدى Kazinform ءتىلشىسى.

«بۋراباي دامۋ» ج ش س باسپا ءسوز قىزمەتىنىڭ حابارلاۋىنشا، ناۋرىز مەيرامىندا شيپاجايعا 40 مىڭعا جۋىق قوناق، 11910 اۆتوكولىك كەلگەن.

- ەڭ تانىمال ورىندار ءداستۇر بويىنشا ابىلاي حان ساياباعى، ۆيزيتورلار ورتالىعىنداعى شيپاجايدىڭ حايۋاناتتار باعى، مۋلتيمەديالىق ينتەراكتيۆتى كەشەن جانە مارال ءوسىرۋ فەرماسى بولىپ قالا بەرەدى، - دەپ اتاپ ءوتتى شيپاجايدىڭ باسپا ءسوز قىزمەتى.

ناۋرىز مەيرامىنىڭ ءوزى دەمالىس ورنىندا ءۇش جەردە تويلاندى. 21-ناۋرىز كۇنى قوناقتارعا «بۋراباي» شيپاجايىنىڭ ۆيزيت ورتالىعىندا ۇلتتىق تاعامدار ۇسىنىلدى. ۇلتتىق ويىندار ويناتىلىپ، كونسەرت قويىلدى.

تاعى ءبىر مەرەكەلىك الاڭ - سانتا رەزيدەنسياسى بولدى، وندا تاتتىلەر دە ۇسىنىلدى.

ال 22-ناۋرىز كۇنى بۋراباي اۋىلىنىڭ ورتالىق الاڭىندا ناۋرىز مەيرامىن تويلاۋ شاراسى ءوتتى.

2024 -جىلى ۇلتتىق ساياباققا بارلىعى ميلليوننان استام تۋريست كەلگەن.

ايتا كەتەيىك، وسىعان دەيىن بۋرابايدا ۇلتتىق قۇرىلتايدىڭ 4-وتىرىسى وتكەن بولاتىن.