Moody's قازاقستاننىڭ كرەديتتىك رەيتينگىن كوتەردى
رەيتينگتىڭ كوتەرىلۋى قازاقستاننىڭ مەملەكەتتىك قارجىسى مەن كرەديتتىك بەيىنىنىڭ Baa2 رەيتينگىنىڭ دەڭگەيى ەلدەرىنە سايكەس كەلەتىن ورنىقتىلىقتى كورسەتۋىمەن بايلانىستى.
ەل اكتيۆتەرىن پايدالانۋ كولەمى مەن تيىمدىلىگى، مەملەكەتتىك بورىشتىڭ تومەن دەڭگەيى، سونداي- اق ۇكىمەتتىڭ ماكروەكونوميكالىق تۇراقتىلىقتى قامتاماسىز ەتۋ جونىندەگى شارالارىنىڭ تيىمدىلىگى رەيتينگتى ارتتىرۋعا مۇمكىندىك بەرگەن فاكتورلارعا اينالدى، دەپ حابارلايدى قازاقپارات ۇكىمەتتىڭ رەسمي سايتىنا سىلتەمە جاساپ.
Moody's كونترتسيكلدىق بيۋدجەت ساياساتىن جۇرگىزۋ تيىمدىلىگىن وڭ باعالادى، ول 2020 -جىلى قازاقستاننىڭ ناقتى ج ءى و- ءنىڭ قىسقارۋىن شەكتەۋگە مۇمكىندىك بەرگەن ەدى.
اگەنتتىك قازاقستان ەكونوميكاسى 2021 –جىلى %3,5-4- عا جانە 2022 –جىلى % 4-4,5- عا وسەدى دەپ كۇتۋدە.
Moody's باعالاۋى بويىنشا قازاقستانداعى جالعاسىپ جاتقان ينستيتۋتسيونالدىق جانە ەكونوميكالىق رەفورمالار ەلدىڭ مەملەكەتتىك باسقارۋ جۇيەسىن نىعايتىپ، ينۆەستيتسيالىق تارتىمدىلىعىن ارتتىرا الادى.
«قازاقستان رەيتينگى جوعارىلاعان الەمدەگى بەس ەلدىڭ بىرىنە (قامتىلعان 144 ەلدىڭ ىشىندە) اينالدى. بيىلعى جىلدىڭ باسىنان بەرى Moody's ءتىڭ رەيتينگتىك ارەكەتتەرىنىڭ %15 دان كەمى رەيتينگتى كوتەرۋمەن نەمەسە وڭ بولجام جاساۋمەن بايلانىستى بولدى»، - دەلىنگەن حابارلامادا.
