مەنەدجەرى شاۆكات راحمونوۆتىڭ شارشى الاڭعا ورالۋى تۋرالى رەسمي مالىمدەمە جاسادى
استانا. KAZINFORM - جارتىلاي ورتا سالماقتاعى UFC چەمپيونى شاۆكات راحمونوۆتىڭ مەنەدجەرى سايات ءابدىراحمانوۆ سپورتشى ءوزىنىڭ كەلەسى جەكپە- جەگىن ليگادا وتكىزۋدى جوسپارلاعانىن بايانداپ بەردى، دەپ حابارلايدى Sports.kz.
«شاۆكات كۇزگە دايىندالىپ جاتىر. ەندى دجەك دەللا ماددالەنانىڭ جاراقاتىن ەسكەرە وتىرىپ، تيتۋلدىق جەكپە-جەك قالاي وتەتىنىن كۇتكەن ءجون. وسىدان كەيىن شاۆكاتتىڭ كەلەسى جەكپە- جەگى جوسپارلانادى. ونىڭ كەلەسى قارسىلاسى ماددالەنا بولا ما؟ جوق، دجەك ازىرگە وزىمەن- ءوزى شەتكەرى قالدى. بىزدە ونى كۇتۋگە باسىمدىق جوق. ءبىزدىڭ ماقساتىمىز - ۇمىتكەر مارتەبەسىن الۋ»، - دەدى سايات YouTube تەگى «ۆەستنيك MMA» ارناسىنا بەرگەن سۇحباتىندا.
ەسكە سالا كەتسەك، UFC 304 ءتۋرنيرىنىڭ باستى جەكپە-جەگىندە وكتاگوندا جارتىلاي ورتا سالماقتاعى UFC چەمپيونى، اعىلشىندىق لەون ەدۆاردس پەن پالەستينالىق بەلدى بوكسشى بەلال مۇحامماد كەزدەسەدى.
شاۆكات راحمونوۆتىڭ ەنشىسىندە 18 جەڭىس بار، ونىڭ ءارقايسىسىنا مەرزىمىنەن بۇرىن قول جەتكىزگەن. UFC 296 تۋرنيرىندە وتكەن سوڭعى جەكپە-جەكتە شاۆكات راحمونوۆ ەكىنشى راۋندتا ستيۆەن تومپسوندى تۇنشىقتىرۋ ادىسىمەن جەڭدى.
