مەن جەڭىلگەندى ۇناتپايمىن - ءابيبا ءابۋجاقىنوۆا

استانا. KAZINFORM - قازاقستاندىق دزيۋدوشى ءابيبا ءابۋجاقىنوۆا جىلدى الەمدىك رەيتينگتىڭ كوش باسىندا اياقتادى.

- بىلتىر ەكىنشى ورىندا اياقتاعان ەدىم، بيىل ءساتى ءتۇسىپ، ءبىرىنشى ورىنمەن قورىتىندىلاپ تۇرمىن. بارشا سپورتشىلارعا سونى تىلەيمىن. مەن ءۇشىن ەرەكشە ءسات. قازاق ەلى ءۇشىن دە بۇل ۇلكەن قۋانىش دەپ ويلايمىن، - دەدى دزيۋدوشى Jibek Joly تەلەارناسىنىڭ بۇگىن LIVE باعدارلاماسىندا.

سونىمەن قاتار ءابيبا جىل بويىنا جيناعان 5096 ۇپاي قالاي قالىپتاسقانىن ءتۇسىندىردى.

- بيىل ءتورت جارىسقا قاتىستىم. سونىڭ بىرىندە، گران-پريدە چەمپيون اتانسام، الەم چەمپيوناتىندا كۇمىس جۇلدە يەلەندىم. ال ەكى Grand slam تۋرنيرىندە قولا مەدال الىپ، بارلىق جارىستان جۇلدەلى ورالدىم. وسىلايشا رەيتينگتەگى ۇپاي سانىن ارتتىرىپ، جىلدى ءبىرىنشى ورىنمەن اياقتادىم، - دەدى ول.

ءابيبا تاتاميگە قالاي شىعاتىنىن دا جاسىرمادى.

- تاتاميگە اشۋمەن شىعامىن. ءوزىمدى جەڭىلۋگە بولمايدى دەپ جىگەرلەندىرەمىن. جەڭىلگەندى ۇناتپايمىن. مەن وسى جەردە ليدەرمىن، مەن - مىقتىمىن، دەپ ءوز-ءوزىمدى قايرايمىن، - دەدى دزيۋدوشى.

ەسكە سالا كەتەيىك، قازاقستان دزيۋدوشىلارى Grand Slam تۋرنيرىن ءبىر جۇلدەمەن اياقتادى.

سونىمەن قاتار دزيۋدودان جاستار اراسىندا قازاقستان بىرىنشىلىگى مارەسىنە جەتكەنىن جازعانبىز.