17:27, 04 - ماۋسىم 2024 | GMT +5
مەملەكەتتىك قۇپيالاردى جاريالاعان قارجىلىق مونيتورينگ اگەنتتىگىنىڭ قىزمەتكەرى سوتتالدى
استانا. KAZINFORM - قارجىلىق مونيتورينگ اگەنتتىگىنىڭ قىزمەتكەرى مەملەكەتتىك قۇپيالاردى جاريا ەتكەنى ءۇشىن سوتتالدى، دەپ حابارلايدى باس كولىك پروكۋراتۋراسى.

شىمكەنت قالاسىنىڭ قىلمىستىق ىستەر جونىندەگى اۋدانارالىق سوتىنىڭ ۇكىمىمەن ق ر ق ك- ءنىڭ 185-بابىنىڭ 3-بولىگى (مەملەكەتتىك قۇپيالاردى زاڭسىز جاريا ەتۋ) بويىنشا ازامات ك. 5 جىلعا باس بوستاندىعىنان ايىرىلدى.
بۇل - مەملەكەتتىڭ قاۋىپسىزدىگىنە قاتەر توندىرەتىن ەڭ اۋىر قىلمىستاردىڭ ءبىرى رەتىندە سارالاندى.
سوت بارىسىندا پروكۋرور قىزمەتكەردىڭ قۇپيا اقپاراتتى ءۇشىنشى تۇلعالارعا ءبىر جىل بويى بەرگەنى تۋرالى سەنىمدى دالەلدەر كەلتىردى.
«مۇنداي قىلمىستاردىڭ الدىن الۋ قۇقىق قورعاۋ ورگاندارىنىڭ باسىم باعىتتارىنىڭ ءبىرى بولىپ تابىلادى. ۇكىم زاڭدى كۇشىنە ەندى»، - دەلىنگەن حابارلامادا.