مەملەكەتتىك كۇزەت قىزمەتى ساپىندا مەرزىمدى اسكەري قىزمەت وتەۋگە ىرىكتەۋ باستالادى

استانا. قازاقپارات – 1- ناۋرىز بەن 5- ءساۋىر ارالىعىندا ق ر مەملەكەتتىك كۇزەت قىزمەتى وكىلدەرى بارلىق وبلىس ورتالىقتارى مەن رەسپۋبليكالىق ماڭىزى بار قالالاردا ۇمىتكەرلەردى تاڭداۋ جانە زەردەلەۋ جۇرگىزەدى.

ۇمىتكەرلەرگە كەلەسى تالاپتار قويىلادى: جاسى 18-27 اراسىندا، بويى 180 س م- دەن تومەن ەمەس جانە 195 س م- دەن جوعارى ەمەس، ءبىلىمى ورتا بىلىمنەن تومەن ەمەس، دەنساۋلىعى جاقسى. جوعارى ءبىلىمدى، سپورتتىق جەتىستىكتەرى مەن رازريادى بار شاقىرىلۋشىلارعا باسىمدىق بەرىلەدى.

ق ر م ك ق قاتارىنا وتكەن شاقىرىلۋشىلار مەرزىمدى قىزمەتىن استانا جانە الماتى قالالارىنداعى 0112 جانە 0111 اسكەري بولىمدەرىندە اتقارادى.

ق ر مەملەكەتتىك كۇزەت قىزمەتى قاتارىندا مەرزىمدى قىزمەت ساربازدارى قازاقستان رەسپۋبليكاسى پرەزيدەنتىنىڭ جانە باسقا دا كۇزەتىلەتىن ادامداردىڭ قاۋىپسىزدىگىن قورعاۋ، راسىمدىك جانە پروتوكولدىق ءىس-شارالارعا قاتىسۋ، ق ر مەملەكەتتىك تۋى مەن ق ر مەملەكەتتىك ەلتاڭباسى ەتالوندارىن كۇزەتۋ سەكىلدى ايرىقشا مىندەتتەردى اتقارادى.

ق ر م ك ق اسكەري بولىمدەرىندە مەرزىمدى قىزمەت اتقارۋ بارىسىندا جاس ساربازدار تاجىريبەلى نۇسقاۋشىلىق قۇرامنىڭ جەتەكشىلىگىمەن اسكەري ىسكە ۇيرەنەدى، جاۋىنگەرلىك جانە ارنايى دايارلىق ساباقتارىندا اسكەري ماماندىقتاردى مەڭگەرەدى.

ق ر م ك ق مەرزىمدى قىزمەت ساربازدارىنىڭ ءارى قاراي كادرلىق تۇرعىدان وسۋگە مۇمكىندىگى بار. مەرزىمدى قىزمەت اياقتالعان سوڭ ولار ءوز قالاۋى بويىنشا كەلىسىمشارت بويىنشا اسكەري قىزمەتتى جالعاستىرا الادى، ودان ءارى ارناۋلى مەملەكەتتىك ورگاننىڭ قىزمەتكەرى جانە وفيتسەرى بولىپ، كۇزەتىلەتىن ادامدار مەن وبەكتىلەردىڭ قاۋىپسىزدىگىن قامتاماسىز ەتۋ بويىنشا مىندەتتەردى اتقارا الادى.

ق ر م ك ق مەرزىمدى قىزمەت ساربازدارى ءۇشىن قازاقستان رەسپۋبليكاسىندا مەرزىمدى اسكەري قىزمەت اتقارعان ازاماتتاردى الەۋمەتتىك قولداۋ بويىنشا بەلگىلەنگەن بارلىق جەڭىلدىكتەر قولدانىلادى.

بارلىق قوسىمشا سۇراقتار بويىنشا 77768002728 + تەلەفون ءنومىرى بويىنشا حابارلاسۋعا بولادى.

اۆتور

ەربول جانات