مەملەكەتتىك كىرىستەر كوميتەتىنىڭ ءتوراعاسى «باقتى» جانە «الاكول» وتكىزۋ پۋنكتتەرىنە باردى
استانا. KAZINFORM - مەملەكەتتىك كىرىستەر كوميتەتىنىڭ ءتوراعاسى جاندوس دۇيسەمبيەۆ جۇمىس ساپارى شەڭبەرىندە قازاقستان- قىتاي شەكاراسىنداعى نەگىزگى «باقتى» مەن «الاكول» كەدەندىك وتكىزۋ پۋنكتىن جاڭعىرتۋ بارىسىمەن تانىستى.
كوميتەت مالىمەتىنشە، «باقتى» وتكىزۋ پۋنكتىندە ە ا ە و سىرتقى شەكاراسىن جاڭعىرتۋ جوباسى شەڭبەرىندە اۋقىمدى قۇرىلىس جانە تەحنيكالىق جۇمىستار جالعاسىپ جاتىر. بەلسەندى رەكونسترۋكسياعا قاراماستان، وبەكت جۇكتەر مەن جولاۋشىلاردىڭ ۇزدىكسىز قوزعالىسىن قامتاماسىز ەتە وتىرىپ، شتاتتىق رەجيمدە جۇمىس ىستەيدى.
قوزعالىس جولاقتارىن كەڭەيتۋ، قازىرگى زامانعى ينسپەكسيالىق-تەكسەرۋ كەشەندەرىن مونتاجداۋ، اۆتوماتتى تارازىلار مەن سيفرلىق باقىلاۋ جۇيەلەرىن ورناتۋ بويىنشا جۇمىستار جۇرگىزىلىپ جاتىر.
م ك ك ءتوراعاسى بارلىق قۇرىلىس جانە مونتاجداۋ جۇمىستارىنىڭ اياقتالۋىن جەدەلدەتۋدى، كەدەن ماڭىنداعى ينفراقۇرىلىمعا راسىمدەردى شىعارۋ ەسەبىنەن شەكارادا باقىلاۋدى بارىنشا ازايتۋدى تاپسىردى.
«الاكول» وتكىزۋ پۋنكتىندە رەكونسترۋكسيالاۋ اياقتالدى جانە 2025 -جىلعى 12- مامىردان باستاپ ول تولىق كولەمدە جۇمىس ىستەيدى.
- جىلدام سكانەرلەۋدىڭ جەتە تەكسەرۋ كەشەندەرى؛
- اۆتوماتتى سالماق گاباريتتى ولشەگىشتەر؛
- ءنومىر بەلگىلەرىن تانۋ جۇيەلەرى؛
- لوگيستيكالىق باقىلاۋدىڭ ينتەگراتسيالانعان جۇيەسى ەنگىزىلدى.
جولاق سانى 2-دەن 6-عا دەيىن ۇلعايتىلدى، بۇل شەكارادان ءوتۋ ۋاقىتىن 1-2 ساعاتتان 30 مينۋتقا دەيىن قىسقارتۋعا مۇمكىندىك بەردى.
جىل سوڭىنا دەيىن شەكارادان ءوتۋدىڭ ورتاشا ۋاقىتى 10-15 مينۋتقا دەيىن جەتكىزىلسىن. نەگىزگى اكسەنت - سيفرلاندىرۋ جانە قاعاز راسىمدەرىنەن تولىق باس تارتۋ. ينسپەكسيا قورىتىندىسى بويىنشا جاندوس دۇيسەمبيەۆ وسىنداي تاپسىرما بەردى.
9 وتكىزۋ پۋنكتى باسىمدىقتا
ۇلتتىق جاڭعىرتۋ جوباسى شەڭبەرىندە 9 اۆتوموبيل وتكىزۋ پۋنكتىن تەحنيكالىق قايتا جاراقتاندىرۋ جۇمىسى جۇرگىزىلىپ جاتىر.
بۇگىندە 4-ەۋىنىڭ جۇمىسى اياقتالدى: «قالجات» جانە «الاكول» (ق ح ر- مەن شەكارادا)، «قاپلانبەك» جانە «اتامەكەن» (وزبەكستانمەن شەكارادا).
2025 -جىلدىڭ سوڭىنا دەيىن تاعى 5 وتكىزۋ پۋنكتىن جاڭعىرتۋدى اياقتاۋ جوسپارلانىپ وتىر: «قازىعۇرت»، «تاجەن»، «تەمىر بابا»، «مايقاپشاعاي» جانە «باقتى».
جاڭعىرتۋدىڭ ماقساتى - ازاماتتاردىڭ، بيزنەستىڭ مۇددەسى جانە ەلدىڭ سىرتقى ەكونوميكالىق تۇراقتىلىعى ءۇشىن ۇزدىك حالىقارالىق ستاندارتتارعا ساي كەلەتىن قازىرگى زامانعى، تەحنولوگيالىق جانە جوعارى ءتيىمدى وتكىزۋ پۋنكتتەرىن قۇرۋ.
ايتا كەتەيىك، قازاقستاندا 2030 -جىلعا دەيىن 37 وتكىزۋ پۋنكتى جاڭعىرتىلادى.
اۆتور
ەلميرا ورالبايەۆا
